المقدر مابى اييدك

وحق مقاديرك تصيدك وده المقدرمابى ايدك
اقبل المكتوبااصبر يبقى يرضى عليك سيدك
الامرمسطورعليك وإبتلاك جاك فى وحيدك
يايكون مغضوب عليك ويايكون ربك بريدك
لاتطاوع ابليس وتحزن, داير الملعون يكيدك
ولمّا تحزن شن بتلقى واصلو حزنك مابفيدك
ياهن اقدار الخلايق ابقى رايق وارعى قيدك
ادعوبالسرفى سجودك شان من الافضال يزيدك
ربنا اكرمنا بشفاه زيل عناه ياودود هوّن شديدك
ارجاه ماليك غيرو قبلى يطفى نيرانك صهيدك
كن معاهو يكون معاك وليك اقرب من وريدك
مافى خافى عليهو خافى وكل دعاويك ونشيدك
وحسّن الظن وابقى واثق بكره تستناهو عيدك
بكره ينصح وانت تفرح وضمّه يتحلحل صفيدك
ماهو غافل وماهو ناسى الله عالم بيك شهيدك
زيد دعاك وربك معاك وتكتمل عافة وليدك
ياكريم خفف كريبتو ويارحيم ارحم عبيدك
بى ضراعةامّو وابوهو وبى دعا عمّارمسيدك