بعد الغياب

بعد الرحيل بعد الغياب وبعد الدموع بعدالعزاب
عادنىالامل جرحى اندمل وحبيب سوادعيني آب
خلانى واحمد ود تلات يطراهو يبقىرهاب رهاب
والتانى فى رحمو امو غيب يبقى الشهرموتامو داب
ودعنا سافرمن زمان وسافرمعاه الرضا والرحاب
وحزنانى خايفاهو الهوان ومشغولابى هم العقاب
فارقنى سافر للكتال والرجعه عند كاتب الكتاب
احزنا قال العود مشوب اصلو الحرب ميتى وخراب
وصانى اخشيهو الكريم واتوكلى الخير ليهو باب
كان متّ ارعيهواليتيم قوديهو لى الدرب الصواب
واتزوجى اليخشى الاله وماتقولى بعدك مابيطاب
المات ده ماكى محصلاه وادعيلو ربك فى الغياب
ومن فاتنا ماتم السنه و قالوا لنا مات زين الشباب
واحدين يقولواهناك اسيرجثمانو فى البدريى غاب
فكرت اربى ولادى ديل من ايدى وارضابوالعتاب
مرن سنين وسنين كتار راجنو يبقى يجيب جواب
والخلاه حاملو حشاى شهير الليلى يتحد الصعاب
اتربّى تاملو عشر سنين وراجيهو مستنى السراب
دايما يقوللى ابوى بجى والغالى ما إحساسو خاب
زمنا عديد محسوب شهيد وفاجانا قال اهلا حباب