من التراث

بالله مرّه إتذكرواالساقى وانين الساقى فى الليل المهوّد
ودمعتا الناقعى التقطرفوق جبين الليل تزيل حرو وتبرد
ويالقواديس سلسبيلك كاب يفرّح ويمسح الحزن المسوّد
والجنىفوق التكم قاعد يغنى براه ويمنى صباه ويردد
قلبو صافى والزيّو مافى ده راوى برسيمو ومفرهد

من يقش عينو الصباح تلقاهو فى الهوليقه طفر
وحبلو بين ايديه ويحاحى فى طيرو كر كر
وكل مره يشيلو تمره وجنبو اشميقو الممسر
وبخسة اللبن المتمسحه والله زاد الخير ويسّر
والسمن قدح السمن الديمى فى المعلاق محكر
امّوعامراه المراح تلحس ضهر جخسا المبطر
حلقومليان والسعن فى الدونكاتب مليان مقنطر

فىالكشمبير اليضاضى يضاضى مو قادر يشيلو
ليهو حق ماكل يوم فوق كتفو هاجرو وهادّو حيلو
ديمى يومات الله كلها حلبتين مقدار مرطب وافليلو
والسعن يستلتين اتنين كبار يادوبا تملاه و تكيلو
وكلو جود للحلى للمحتاج واهل مافيش دى هيلو

والبنىِ الخاتى بنبرمن صباحا تخش تبّدل فى اديها
وتطلق الربطه وتعاين الفرصه كان تطفح تجيها
و تانى تنفخ و اللبن لسع مقطع و النهار قيّل عليها
والبطينين وانتظارالروب يعاينولايحملقوا فى وشيها
ماهازىالعادى مربوكه التقول ناساه ماعارفالوجيها

مالا فاطنى ده ماهو حالهاوكيدى اخّرتا الضفيرى
والسعف جايباهو امها قاطعاهو من تمرالجزيرى
شايلا فوق راسا وتهنقل طالعى فى عزّ الهجيرى
والطبق تحضاه وتتمّو وعمرة الكسرى الكبيرى
والمهم برش العرس تكفيهو للفال والضريرى

والنطع اصبح قديم ومفروض يغيروا من زمان
مهكور وماجايبين خبيرو الليلى دابو اوانو آن
والشملى كان دفن الغبارشبعت هوان
ودايرى النّفض وتنخت فى اقرب بكان
والدكه بانى العنكبوت فوقا ومعشعش فى أمان

قامت هى واتمطت كدى وجمعت عقيلا الدار يغيب
وختت ضفيرتا فى بشنتيق السعف فىالواطةتحت العنقريب
مهجومه كان مفروض تخش لبناوتودى لابوهاماعون الحليب
واشمعنى فاطنى الليلى مالا قليبا ليش ودّ ويجيب
معذوره سارح بالها وين ؟ طارى الحبيب