بابكر محمد خير «الاعتراف»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «الاعتراف»

    كتر الدموع المابتفيد يا الله والفانى الأجل
    وريدا مع الأيام يذيد فى جوفنا آذانا وكتل
    خلو البكا ودرب البكا وخلو الكواريك والزعل
    الايودى ولا يجيب ولا يبنى لى قدام عمل
    الهجرة أصلها من زمان الهجرة أصلها من أزل
    والعيشى مو بس فد مكان العيشى فى الأربع قبل
    ماكم براكم يالعزاز الهجا فارق للاهل
    يا ما كتار المتلكم بينم غراب البين نزل
    يا عزة مشتاقين كتير لكن دريبنا ملان وحل
    أنهد حيلنا من المسير وقلوبنا كم صابا الملل
    كل ما نقول نمشى ونسيب الغربة يحدونا الامل
    تتنكس الآمال سريع نرجع نكوس تانى البدل
    عاد لامتين نان يا حفيظ كرعينا ما بين الدول
    تعبت من الجرى هالحصين واصابا فى الهمة الخمل
    يات من درب بارينا لامن انقفل
    ويات من جحيم عشناهو ضقنا محل محل
    رزقا نعافرو عفار عفار راكضين وراهو بلا كلل
    مرات يكون فيه الشكل ومرات يجينا بلا شكل
    الناس تبعزر فى السنين فى بالا كم فسحة امل
    فى قليبا لى بلدا الحنين فى عينا عينا على الجمل
    ناس استكانت للخمول من جاتا نزلت الرحل
    منتظرة لى أسوء مصير راجى النهاية بيد بطل
    مالعاجبو يظفر بالكتير وداير يضوق حلوو العسل
    لابد يتحمل يضوق اول شئ لسعات النحل
    والدار يفوز بيه النعيم يتهنى يرفل فى العدل
    يسكت يغامر لا يخاف مالجايبو الله يجى ويصل
    مالدنيا آخرتا كوم تراب لكن مع حسن العمل
    ويا عايش ايامك خراب لا تبقى للجايين مثل
    ويا جايى دنيا الإغتراب أحسب كتير قبال تصل
    والنية تبقى مع الحساب انك بتمشى على عجل
يعمل...
X