بابكر محمد خير «حزن الاماني»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «حزن الاماني»



    واحزن الامانى الحلوة وكتين الزمن ياطاها
    كيف الزول يكون ياعصما يمشى همومو تمشى براها
    قض سنين يعالج فيها حافزا أمانى بى لقياها
    وكتين عاد قنع من فوتا إتوسد رقد ضماها
    كاتم لى ظروفو يضارى فى جوف الألم خباها
    تتنازع مودرى راحتو دار تاخد حياتو معاها
    شن سواهو عاد فى حياتو جايى الدنيا مدى قفاها
    يتنفس ألم من صدرو مارقى الآهه تلو الآهه
    ماقصر ثقل تجربتو بى جرعات قوية سقاها
    عشمان كان تبيض وشو تظهر تنطلق فى سماها
    لامتين مو مجيه حالو لاغنى لاهو حمدطه
    سمح الزول يكون فوق عرضو قادل فوق خلقتو وجاها
    ماهل فى قليبو ونبضو خلقو طويلى فايتى مداها
    وأصلو وكت بعد من أرضو اليبقى القروش لماها
    شان يرتاح يقدم فرضو وفى وسط الخلوق يتباها
    مو وكتين حبيبتو تعزو قصر واجبو من تالاها
    تلقى الناس يكيلو فوقو فى الونسات يقولو دلاها
    مو عارفين ظروفو الفيها لو فى مرادو كان لافاها
    خايف بكرة ننسى العشرة بى فعل الحياة وإعياها
    والريدة العميقة الرابطة مايفضل شى غير ذكراها
    أخوك ياسارة فاكى مراكبو فى نص البحار وانواءها
    منصبر معانى المرة عل الايام تجودلو عساها
يعمل...
X