بابكر محمد خير «العودة»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «العودة»


    إن طال الزمان أو كان قصر بينا
    لا بد من نعود نرجع أراضينا
    دارا ماها دارنا و لا بتصافينا
    و لاب تتعب علينا و لاب تربينا
    و لا بيعنيها كيفنا و لاب تعنينا
    لا هماها إيه معناة أمانينا
    فينا الأهه تتباكي وتباكينا
    زايدي نواحا قطعتن مصارينا
    من حال البلد دي الحالو ماذينا
    ومن كشيرتا وتبديل قوانينا
    فيها شقينا واتبشتنا بشتينا
    وإتعذبنا فيك يالغربة عانينا
    مع الأقدار قطارك ماشي خامينا
    يشتت فينا بي زول زول يرمينا
    متين ياخير نعود نوصل مراسينا
    نعيش حاضرنا ننسي معاهو ماضينا
    نخلي الغربة نطبزا عنيه في عينا
    ونخت بي ورانا كل أسباب ماسينا
    نمشي بلدنا شان تزدان قوافينا
    ونجيد أشعارنا تترصع معانينا
    يعم الخير وتتخدر بوادينا
    ونجقلب في الفرح من زينا لي زينا
    نزرع كان رجعنا علي سواقينا
    ونمرح في رباك يالطيبي ضمينا
    مهما طال غيابنا أكيد تحبينا
    وفي أما ما بتدور تحضن بطينينا
    بعد ده الحاله ما أظن تلقي تحسينا
    وبعد ده قنعنا يمرق زول يودينا
    كان دققنا نلقي نفوسنا غشينا
    ونطلع بالحساب لا رحنا لا جينا
يعمل...
X