بابكر محمد خير «المستقبل»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «المستقبل»

    فوق فوق سودانا يكون من فوق لى فوق
    قدامنا تسير يا بن الفاروق
    شان المحتاج الصار مخنوق
    شان المضروب تحت المخروق
    مايهمك كان حادت بنا نوق
    أول شى النوصل لى فوق
    ونقعد بى مهلة وبى شوق
    نرضى ونتصالح نهدى نروق
    أميال مشرورة ممددة فوق
    منجر عليها ولا واسوق
    مانفلحت ماشربت معزوق
    لى كل الناس قطعا بتحوق

    يابلدا شال عبادى بروق
    يابلدا ظال نيلك مدلوق
    كيفن تعطش فى حماك حلوق
    وكيفن بين دول الكون مسبوق
    ويكفيك الزول الطيب وزوق
    والعيش ساحات ساحات مسيوق
    والكول وملاحا زين مرقوق
    والويكى ملايقا بالسبروق
    والقمح الاصفر بالتبروق
    والقطن الابيض والمدبوق
    والدهب الاسود والمحروق

    وزولك طافشلو سنين مطلوق
    مبارى الهم وعيشا ممحوق
    ياغربة خسارتك لينا تفوق
    وسنينك خمخمناها دلوق
    آمالنا الفيك مقلبا مدقوق
    واحلامنا عليك صارت خازوق
    قالونا كلامن صح مصدوق
    سودانا اكيد حايصبح فوق
    نور شمسو شعاع جات ساطعى شروق
    أسواقنا تعود تعمر بالسوق
    وتتملى بالخير جملة ومفروق
    ناكل ونتكرف وبرضو نضوق
    ونمرق أوكات مانبقى مروق
    عاشقك أنا يابلدى ومعشوق
    مشتاقلك وليك شايلنى الشوق
    جاينك وجرحنا دام مفتوق
    راجعنلك ووجهنا هم مصفوق

    فرينا إيديك وضمينا عليك
    قررنا نجيك بالفينا وفيك
يعمل...
X