زينة ياروعتنا يازينة عصوره
ومن بلاكى نفسنا ضاعت وضاع سروره
مارقى جاى أذتنا شالعى و باقى نوره
ونورت حفلتنا وإبتهجت حضوره
يا سلام من حالا من أدبا وحبوره
ويا سلام من طلتا البهرت جمهوره
رتبت إيقاعا وإنظبطت إموره
ويلا يا إيقاعنا سوى معاها دوره
جات جوه الدارة عايمى وفاقعى حوره
رايعى فى رقصاتا فى القدلة التدوره
موجت حفلتنا ماجت بى نحوره
ونحن مجنا معاها تهنا مع غروره
خاتى من كل عيب بس العيب فيها جوره
ونفسى بس ألقاها لابد بالضرورة
كل يوم برجاها لما يحين مروره
ونظرة مابتدينى مابتظهر شعوره
قولوا ياخلاى عاد كيف المشوره
وأصلى لو ما لقيتا برضى تجينى بوره