حبيتك غرق فى ريدك كت عاشقك براك ويحيد
ياساير دروب الدنيا صعبى شديد
تذكر ياحبيبى الغالى فى الزمن الورانا بعيد
كت مبسوط دوام طوالى وعايش فى تهانى وريد
كانت فيه سمحى احوالى وكل شى عندى تحت الليد
وكت دايرك معاى تبقالى للعمر الطويل ومديد
**********
جاييك فى ظلم يادهرى شاكيك كان شكوتى تفيد
أنظر للحكم فى امرى شقيان لوحى والله سعيد
**********
عاد إن مالقيتك حسرة تجرح فينى ألف وريد
وتنسد فى حلوقى العبرة وأسرح فى الصحارى البيد
إن مت قبل أجيك يانصرة وإن صر فى هواكى شهيد
زورى مكان رقد كم مرة وغزغزى فوق قبيرى جريد
**********
أغريك السلام يا عصما لاتنسيه عهد الريد
تشهد بينى وبينك نسمه كانت لى لقانا بريد
وكتين عاد أبتنا القسمة ريدتنا التفيدنا رصيد
تصبح أغلى زكرى وأسمى فى الأزمان صداها يعيد