نقى يا إيدى واكتبى دى وعيدى قول الناس رددى
كوركى زيدى الصوت وارعدى وافضحى المستور فندى
ويلا يانفسى إتمهدى ولى نفيس القول مهدى
أوعى تخجلى تنعقدى وصولى فوق الزين وانشدى
زيدى بوبى النار وقدى ولى صفاتو أحسبى عددى
نجضى الاوزان كددى وطوبة طوبة حروف شيدى
ليه قول الحق اوردى ولى عدوه سهام سددى
ده اللجوه هيام سرمدى وده البساطو دوام احمدى
قمة فى الاخلاق مو ردى وخصلة فى نفسو دى
ده الضميرو حرام مو صدى وده الرحابو مخدر وندى
فى وشيهو الخير مبتدى وعمرو ماتحصلو معتدى
خيرو غت الكدى والكدى وعم للأحباب والعدى
يالصفاتك متعددى وفوق رفاقتك متمددى
قولى أشعارى ورددى وفى قريرو ازرعى جبدى
قوقى فى الارباب غردى وفوق محاسنو أردحى واسردى
وإن تقوقى سنينا عدى برضو فى شكرو تنقدى
واليقول ده صلاح مو كدى انهريه يزح لاكدى