بابكر محمد خير «يجيك الشوق»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «يجيك الشوق»

    متين عاد نان يجيك الشوق يخليك بس تطير لافوق
    يا جمرة
    أنت من يومة نويت شروق وهمل شتلك المعزوق
    حددت البلاد فاشوق وعشمان للسعادة تضوق
    حايم فى الديار مطلوق ذى زولا بلا طايوق
    متين ترجع تغرب نوق توديك جم نعيمة تفوق
    بابورك يدودى يسوق وتسقى البامية والسبروق
    تشتت للخضار ماروق تحش السعدى والحنقوق
    يوما ماب تبيت مريوق ولابتعمل تسوق ارقوق
    فى ضل الضحى المعتوق تتمدى وتنجمى تروق
    تلف الحلى بى روق روق وللحابين تكون خازوق
    تنزل لاتحت مطبوق تعدل الواطة بالواسوق
    تشيل القفة والكوريق تحفر الثارة والكوديق
    تضرب فى القرص طبيق وضرعاتك بتبقى فليق
    تعدى سليم وودصديق وللفلوكة تبقى رفيق
    تهج الحفلة بالصفيق تخلى الدارة قايمى حريق
    لادورية سادى طريق لاتفتيش ولاتلفيق
    لامطوع يجيك يعيق لويومى إنت واقف زيق
    لايعترلك إنت رفيق لامعلوم ولافى صديق
    هويتك إنت ساسا عريق وتقدل فى حماك طليق
    وتقدل فى حماك طليق ياجمرة
يعمل...
X