بابكر محمد خير «كيد الزمن»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «كيد الزمن»

    جواى أوار شوقك مكن أوجع قليبى وإتحقن
    يانصرة حبيتك علن
    بعدك دموعى وراك جرن والله فاضن وتسبن
    يالكتى لى ديرة ووطن انساكى والله أنسى الحزن
    كان قلبى لاقى معاك سكن والليلة من بعدك سكن
    وين تانى يلقى حبور وحن ويتصابح الوجه الحسن
    ياريتو ضاع ياريتو جن ياريتو إنطحن إتعجن
    ياريتو لاراد لا .......إتفتن
    فى ساحتك الخيل جقلبن كايسات رضاك إتحلقن
    لكنو خيلى ربض حرن حزنن عيونى ورقرقن
    وهنت عضاى وإشتكن وضعف لسانى وإتلكن
    مرقت رويحتى من البدن ياريتنى مت وإندفن
    تاهت قوافلى وغربن حاديك جملو على غبن
    سوسيه سويلو الهدن عانديه جريلو الرسن
    كسرتى مقدافى وركن فى الموج صواريى إنتكن
    تاهت مراكبى وصوبن للقيفة شابيت ما كرن
    كت ظانى إنو نعيش معا كل ليلة أعزفلك لحن
    أرويك روايات عن وعن من عهد وائل وذى يزن
    كيف أنسى إيامى المضن وكيف أنسى حبا صاد مكن
    وكيف أنسى ريدا سال عطن والله مابساك ولن
    أطرينى كل مالليل أجن شوشينى فى لحظة وسن
    قوقينى للقمرى الرطن غنينى كل ما شادى غن
    وليك برضى بالواقع إذن يألف قليبى مع المحن
    يشرب خمورو العتقن شان يبدأيدفع فى الثمن
    حاكمنى ياقاضى الزمن أرجمنى بى حكمك علن
    فى حقى لايصيبك وهن مابتلقى زولا جاك طعن
    آمالى فيك متحققن أحلامى طارن روحن
    نجضن مشاعرى وإنشون ياحليلو حبى الضاع سدن
يعمل...
X