بابكر محمد خير «قولي إيه قررتي»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «قولي إيه قررتي»

    قولى إيه قررتى لى ياعصما إيه قلبك اسره


    ماشجاك حالى العلى قتى تقفلى بابى مره


    قولى لى مين سبتى حالو وهو بى حبك أقره


    والله يرضيك عاد بكاهو لما تلقى إنهار وخره


    ضايق المر فى حياتو ولاقى من صدك أمره


    وعشعش الخوف زكرياتو وكل خطوة بياطى جمرة


    يامصايب غورى منى ولا تزيدى قليبى حسره


    ويامحبين دافعوا عنى أو تعالوا أدونى خبرة


    ليه تزودى لى عذابى ولى تختارى المضرة


    وفى الدروس قرونا مرة داخلى فى النار جورا هره


    ماظن تلقينى تانى لو قساك لى إستمرا


    وماأظن يصمد حنانى وإنت كسرتيها جره


    ليه بترفضى تسمعينى وكل فارس ليه عترة


    وقبل ماينضب معينى جات إشارتك لى حمره


    سامحينى وكلمينى وتقبل العفو بنت حره


    وأرحم الناس اليسامح ويتقى النار شق تمرة


    ماصعبتى على اصونك من زمن كان حبى نظرة


    وماقدرتى تصونى حبى وماستطعتى عليه صبرا


    لومصرة على وداعى ولو خلاص قلبك أصره


    ولوعيت كل المساعى وأصبحت لقيانا ذكرى


    أحفظى الود ياحياتى وانت بى مأساتى ادرى


    وبستعيد صبرى وثباتى وإن بعد العسرى يسرى
يعمل...
X