بابكر محمد خير «الحرية»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «الحرية»

    من بعد العذاب الضاقو بعد حزن الديار لفراقو
    سامى الحاج يعود لى وطنو صبحاً دابو عم إشراقو
    ماأحلاها دمعات الفرح يا خلا ساعة هو وجناهو إتلاقو
    ومااحلاها وكتين صلا وكتين أهلوا فرحوا وراقو
    خلاص عهد الظلم فات ولى راح ضمة إنقطع معلاقو
    وخلاص نور الصباح إندلا سامى جا شان يبل أشواقو
    شدرك ياغوانتانامو نشف وإتحتحتت أوراقو
    سجنك ياغوانتانامو إنكشف إنفضح أفاقو
    حراسك عن الحق ناموا نوماً علهن مافاقوا
    جلاديك قعدوا وقاموا ماكسروها تب دراقو
    صابر رغم كل تعذيبو رغم قساة عتاة دقاقو
    صامد قلبو راضى نصيبو زول ماسك على أخلاقو
    زولا صابو الله يصيبو والله يعيقو زولا عاقو
    نال حريتو دينو عزيمتو عاد إن شاء الله باقى رفاقو
    ***********************************
    صور سامى صور سامى وأصبح للظلم ترياقو
    صور فى وطنا الخضرة صور باديتو وأسواقو
    صور نيلنا صور خيرنا صور شعبنا وأعراقو
    صور سامى كل بلدنا صور أحبتو وعشاقو

    عيش بينا الفرح يوماتى وأنسى الظلم وأنسى مذاقو
    أنسى الظلم أنسى مذاقو
يعمل...
X