بابكر محمد خير «رد الرواسي»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «رد الرواسي»

    جلابا وين الناس مشت قالت لي تاهت ودرت
    تعبت حياتا اندهدهت وكسورا معوجات برت
    ما ضقنا راحة من قديم مارقنا لينا سنين خلت
    با قيلي فوقنا الشوم غراب من دون بلاد الدنيا ست
    يا حاتم الناس انهرت غير الصبر ما وفرت
    شن ينفع الرواسي عاد مديرو عكس الموج حبت
    زولا مودر مو حكيم رمي حبو في الموية وحرت
    جافا الصراط المستقيم حبل الرباط منو انفلت
    خلاء البلد في سين وجيم في كل مكان نار ولعت
    نارا مولعي كالجحيم ماكلي المخدري والنمت
    ناس لاقرت لاساهرت ساووها بالناس القرت
    في بلدنا ذمماكان كبار في الجوقه باعت واشترت
    ياده الزمان الفيك بان من يبقي شاف الحق سكت
    بلدي الامان الكان زمان وكت البلاد عنك حكت
    الذكري لي ماضيك شجون جات رعشة في الاوصال سرت
    ده قبل سواقيك التنوح بلت اراضيك وسقت
    اليوم زرعنا تعبنا مات ونخيلنا باظ انحت حت
    احترنا في الوضع العجيب الباني غلتا فوق غلت
    وغلبنا من حالنا الكئيب وقعدنا نطلق في النكت
    لي هاوية لي موتا اكيد مركبنا يا لاخوان جرت
    ختانا رواسينا صيدلي فوج من الحوت الدعت
    سودانا فوق سودانا طوق كان ياما كان ايام مضت
    والليلة وين سودانا وين يالعارفين يالدارسين
    والحصة من الجازولين كل مكنة حصتها جالونين
    والموية كل زول باقتين يوم جونا ديلا مباغتين
    انهارنا اربعة واربعين وامطارنا نازلي قدح معين
    ولا حدي اسع فوقنا دين حتي دينا ما زادوه دين
    لا صرنا لاصار حالنا زين لا قمنا لا قام القرين
    عاد لامتين نان لامتين والحاله كل يوم زايدي شين
    الناس مقسمة حزمتين ناس اغنياء وناس معدمين
    القلة اصبحوا مترفين واصغر حريمن مزموزين
    جو اتمكنوا المتمكنين والكانو طاينين زادوا طين
    فوق الرقاب سيفا سنين حش الضعيف خلا السمين
    يا حمد احمد يا الحزين يا الدخري يا وجع السنين
    البركة فيكم يالخزين البركه في الناس اجمعين
يعمل...
X