بابكر محمد خير «أبوك يا أسامة»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «أبوك يا أسامة»

    ابوك يا اسامة راسلك بيانو جابولو الكلام ووصل اضانو
    هو ابوك يااسامة من فارق مكانو جار بيهو الزمن ضاضاهو هانو
    بعد ماكان عزيز حاس بى امانو لعب فوقوالكفيل عكر كيانو
    وانتوا شان تاكلو السمح عاض لى سنانو وشان الحال يطيب رضيان هوانو
    هو كيفن ينسى خلانو وحنانو وفى زول ياعاشة ينسى كمان بطانو
    وكت الليل يجن ويحين اوانو يطوف بيهو الخيال طالق عنانو
    يطرى زمن معاك يلعن زمانو يرمى همومو فوق حظو اللخانو
    عاشة ولادو يوم ماليهو هانو وهوشنو فى إيدو كان يوماتى عانو
    دار يرسل رسالةعجز بيانو وحتى عن الكلام تعتع لسانو
    أسامة ابوك ملفلف فى بكانو ودر ركوتو و إنحاش حصانو
    محرق عاشة لا تكوى حروقو تهبطى روحو تكتلى فيهو شوقو
    مهيض فى جناحو مكسورات دروقو مبهدل حالو مقلوع من عروقو
    يسوق فى الفاضى وكت الناس يسوقو ويسدد فى ديون منكبى فوقو
    زازاهو الكفيل نشف حلوقو معلقو ليل نهار من غير حقوقو
    يجيك ياعاشة وكت الحن يسوقو ويجيك يااسامة وكت الشوق يشوقو
    يجيكم رغم هما كان يعوقو ويكون بينكم من الليل لاشروقو
    يعيش متهنى بالموجود يحوقو ويقوقى مع الخلق وكتين يقوقو
    يقوقى مع الخلق وكتين يقوقو
يعمل...
X