بابكر محمد خير «رثاء عبدالله محمد خير 1»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «رثاء عبدالله محمد خير 1»


    يا نايحة بي غرب الطريق*** أديني من دمعك دموع
    الليلة غاب سيد الفريق *** من دارنا لي دار الهجوع
    من بيتنا انخفض البريق *** ضلمنا وانطفت الشموع
    فارقنا زول حاني ورقيق *** أسرتنا يا ما جاكي روع
    يا عبدو يامنبع هواي *** يا ماسة زادت في النصوع
    خليتني بين الناس براي *** وقصمت ظهري أنا والضلوع
    وحداني لي همي وشقاي *** في ساحة محترقة زروع
    ماكت لي دايما رجاي *** ألقاك كلما أتوه أجوع
    يا ناير الليل البهيم *** ياقمرة ضوت في الطلوع
    يا سيد الصدر الرحيم *** يا صاحب القلب القنوع
    يا الجيتنا طليت كالنسيم *** وفي سرعة آثرت الرجوع
    انهد من اكيام بيتنا كيم *** وانعد فجعك كم فجوع
    كيف غبت يا أب خلقا عفيف *** غرزت مع غيبتك ضروع
    اتحتت أوراق الخريف *** كسرت محاصيل البيوع
    قررنا فوق لوحك نقيف *** نقراهو نوقدلك شموع
    في الدنيا عشاقك لفيف *** واقعين علي حبك وقوع
    علقت فوق صدر الزمان *** آيات وماسات من دروع
    وصلت صوتك كل مكان *** في البادية والريف والربوع
    ونظمت فوق احلي الحسان *** ميزتهم صفت البدوع
    اصبحتلن دوحة حنان *** زانت من الجزع الفروع
    أفكاري في نفسي بتجيش *** بس خوفي من حد الشروع
    لي شنو من بعدك نعيش *** لو ما هو دا إيمان الخشوع
    لو شفت كم باراك جيش *** من وراكا كم صلت جموع
    انزل علي قبرك بشيش *** في روضة حافاها النبوع
    يا عبدو لي دار السلام *** في جنة فاكهتا نوع ونوع
    يشهد جلوسك والقيام *** يشفع محمد واليسوع
    تصبح مقاماتك تمام *** تدخل مع الداخلين تبوع
    نلقاك نقريك السلام *** لا فينا خوف لا ات هلوع
يعمل...
X