بابكر محمد خير «نحن سامحناك»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «نحن سامحناك»

    نحن سامحناك يا سمحنا مهما عانينا وانجرحنا



    ليك هوينا ودُبنا وعِشقنا وفيك دون الناس انعشقنا



    كنا كنا قراب من حلقنا إلا قدرا مقدور نتقنا



    كم جرينا كتير ما لحقنا جا السعيد قدامنا وسبقنا



    صرنا مشدوهين يا رفقنا وشفنا غيرنا يلقط نبقنا



    كان منانا نكون اتفقنا وكان رجانا حلوك نبقى ضقنا



    اطرى زمناً زعلك حنقنا ولو تروقى نكون نحن رقنا



    أريت زماناً جارنا وفلقنا زادنا من تعذيبنا وقلقنا



    يا نكون فى المحس إندلقنا يا كمان جنينا وطلقنا



    فى حواليك دورنا دُرنا واصلو ياها مصيبتنا دُرنا



    جينا داقين فاتحين سدُرنا ومانا قايلنك ماك قدُرنا



    مالو قلا خريفنا ومطرنا ومالو زاد تعذيبنا وخطرنا



    ما أبيناك ولا بطرنا ليه تخونا تقوم قطرنا



    كم زمان من حبك غرفنا ومن عبيرك وندك كرفنا



    ولما فار تيارك جرفنا هادى يازول منك طرفنا



    عشنا زمناً ودك كسبنا ومانا خسرانين ان حسبنا



    نحن سامحناك وإحتسبنا وما بنقول فى حبك رسبنا
يعمل...
X