أغاني وأغاني 2011 «الحلقة 12» "فيديو"

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أغاني وأغاني 2011 «الحلقة 12» "فيديو"

    أغاني وأغاني 2011


    الحلقة الثانية عشر



    الجزء الأول

    ‫أغاني وأغاني 2011 الحلقة الثانية عشر - الجزء الأول‬‎ - YouTube

  • #2
    أغاني وأغاني 2011


    الحلقة الثانية عشر



    الجزء الثاني

    ‫أغاني وأغاني 2011 الحلقة الثانية عشر - الجزء الثاني‬‎ - YouTube

    تعليق


    • #3
      معلومات عن الشاعر عوض أحمد خليفة، موضوع الحلقة الثانية عشر من أغاني وأغاني 2011
      الموضوع منقول من منتديات سما بورتسودان وكاتب الموضوع هو الأستاذة شجن..

      * الشاعر عوض أحمد خليفة هو العوض وداعة الله أحمد خليفة من مواليد ام درمان 1931م بشارع الفيل في الموردة .
      * درس الخلوة والكتاب الإبتدائية ، الوسطى بأم درمان ثم الأحفاد الثانوية اجتاز شهادة كامبردج التحق بكلية غردون لمدة عام في كلية الآداب عام 1949م وفي فبراير 1950م، التحق بالكلية الحربية وفبراير 1952م تخرج فيها برتبة ملازم ثاني .
      * خدم في القوات المسلحة الهجانة كردفان ، سلاح الإشارة أم درمان ، الجنوبية جوبا .
      * تدرج إلى أن وصل رتبة يوزباشي «نقيب» ثم فصل من الجيش السوداني لأسباب سياسية تتعلق بالحركة التي أعدم فيها عبدالرحمن كبيدة وعلي حامد وعبدالبديع علي كرار ، عمل ضابطاً لمدة عام بمشروع الجزيرة.. عاد للحكومة في وزارة التجارة مفتش تعاون بمصلحة التعاون وتدرج إلى أن وصل مساعد مدير مصلحة التعاون 1969م، وفي هذه الفترة التحق بجامعة القاهرة لينال درجة دبلوم الإقتصاد . أعاده النميري للخدمة برتبة عميد في عام 1969 وتقاعد كلواء معاش .

      كتب الكلمات الجميلة المعبرة والصادقة وتغنى بكلماته عدد من الفنانين ولعل أجمل من تغنى له من كبار الفنانين السودانيين (إبراهيم عوض وعثمان حسين وعبد الكريم الكابلي) .

      أجمل الأغنيات التى دوماً نرددها ونترنم بها وأجمل الكتابات جاءت بقلمه الأنيق ومن خاطره الغالي

      وفي كلماته السماح والعتاب الجميل وصدق الكلمة وأذكر في إحدى لقاءاته أنه كتب للملهمة نور ولخطيبته خديجة معظم الأغنيات الجميلة حتى تزوجها ولم يكتب بعدها .

      لو كنت ناكر للهوى
      أبو عركي البخيت

      لو كنت ناكر للهوى زيك كنت غفرت ليك
      كل العذاب العشتو في حبك وكنت حنيت عليك
      لكني عايش للهوي لكني عايش للشقا وكل يوم بترجي فيك
      وريني كيف اغفر وانت شقايا سببتو بي يديك
      حاولت اخدع نفسي يا ظالم واهجر حبي ليك
      حاولت امنع نفسي منك وتاني ما امشي واجيك
      ورحلت عنك وعن دياري وهدمت كل امل لديك
      وبرضي ما قادر اسيبك لما أطراك أشتهيك
      مع كل دفقاتي الحنينه
      وكل دمعة شوق سجينه
      تهاتي بيك روحي الحزينه
      وريني كيف اغفر وانت شقاي سببته باديك
      ما كنت قايل يوم بلاقي الحب ولا بعرف دروبو
      ولا قلبي من شدة إباه بتقدر الاشواق تذيبو
      لكن غرامك حبة حبة كاويني بي نارو ولهيبو
      وسرقت قلبي يا حبيبي تاني كيف منك اجيبو
      وانت يا ناكر غرامو
      قلبي ما بتسمع كلامو
      ودون سبب يرضيك خصامو
      ولوعة العشاق تصيبو
      تنساني كيف يا ظالم وقلبي معاك مفتكرك حبيبو
      *********


      غنى له الكابلي

      كيف يهون
      كيف يهون عندك خصامي و ترضى من عيني تغيب
      و أنت بيك أسباب سعادتي و أنت أكتر من حبيب
      شفت بيك الدنيا نايرة وعشت فيك أملي الخصيب

      إنت أحلى من الأماني لما تغمرني و تعربد
      و أحلى من طير الخمايل لما يتمايل يغرّد
      و من جميلة جديدا تم لما تتنى و تزغرد
      إنت ياأحلى الحبايب ما تهون حبي و تبدد
      عشرتي فاقت حناني قلبي بيك دايما معيّد
      وحبي ليك يا نور عيوني كل يوم يخضر يفرهد
      ورغم حبي عليك أهون

      ياحنان الدنيا كلو قصدي في حبك نبيل
      حبي أجمل عاطفة سامية و الله أكتر من جميل
      لو وصفتك وقلت طاهر كنت في وصفك بخيل
      نور جمالك يا حبيبي بادي ما داير دليل
      عشت عمري أغني ليهو في انتظارك لو تميل


      وأيضاً :
      يا أغلى من عيني
      يا اغلى من عينى
      وأحلى من إبتسامى
      وأحن من المحنة
      الفى رقه سلامى
      لكن بعادك طال

      مكتوب فى جبينى
      غرامك وإنت عارفو
      باين فى كلامى
      وفى عيني شايفو
      قلبى دعاه حبك
      ما بقدر يخالفو
      لكن بعادك طال
      بعادك طال

      يا أصدق موده
      عاشت فى الضمير
      تقاسمنى المسره
      تملاء فؤادى نور
      أنسى معاك صعابى
      يهون أمرى العسير
      لكن بعادك طال بعادك طال

      وأقول ليك يا حبيبى
      غيرك مافى تانى
      ليك نزرت عمرى
      ليك رقيق حنانى
      ومن جنات هوانا
      نهدى الناس أغانى
      لكن بعادك طال بعادك طال

      ******

      ومع عثمان حسين


      يا ربيع الدنيا
      يا ربيع الدنيا في عينيَّ يا نور قلبي يا معنى الجمال
      يا اُخت روحي يا أماني هواي عشتها في دنيا الخيال

      أنا فيك عشقتَ الروعة ما أحلاها في الدل والدلال
      والمعاني الراسمة نور إشراقة في عينيك ظلال
      وابتسامتك لما تأسر قلبي تحكي عن المحال
      تحكي عن شوقك إلي وتحكي عن بُعد الوصال

      من قلبي من أجل المحبة وهبت ليك شعر الغزل
      مع انو قدامي الطريق أنا عارفو يا السمحة انقفل
      مافي قسمة ومافي يا نور قلبي حتى بصيص أمل
      ما قدرت أقرب من ضراك وما قدرت لي فراقك أصل

      يا حبيبه ليه ليه قلبك قسا وكتمتِ ما تُخفيهُ عني
      أنا عشت في حبك مقيم ما عرفت نُكران أو تجني
      ما عرفت غير حُبك غرام وسرحت فيهو سنين بغني
      وهبته دمعاتي الغوالي وهبته عمري أنا وهبت فني





      يــا نـــورة
      يا نورة يا نور القلوب يا نورة يا نور الأمل
      يا نورة من بعد الفراق أحزاني كم أبكت مقل
      يا نورة ...

      يا نورة يا زينة الحسان يا باقة من أحلى الزهور
      يسكر شذاك العاشقين وتفرحي القلب الكسير
      يا نورة ما تنسي الوداد الصنته من أعماقي نور
      من قلبي دفاق الحنين لقلبك الفياض شعور
      يا نورة ..

      يا نورة يا أمل القلوب التايهة في بحر الزمان
      في لهفة تسال عن حبيب يرعاها بالحب والحنان
      يا نورة إشراق السنين وغرامنا عندك أمره هان
      من بعد ما نورتي قلبي وبيك لقيت دنيا الامان
      يا نورة ....

      يا نورة لو دار الزمن لا بد تتلاشى القيود
      الجايرة مابترحم حبيب مشتاق يغني حبيبه ريد
      يا نورة حبات الأمل في قلبي كل صباح تزيد
      تكفيني ذكراك في الفؤاد لو عشت من بعدك وحيد
      يا نورة...





      صـــدقيني
      صدقيني وحياة غرامنا.. ما كذبت عليك في حبي
      صدقيني ابداً ولا حولت عنك مرة قلبي
      وإنت في دنياي آمالي وأهلي كل صحبي
      كل زهرة ندية يانعه .. إنتي رياها وعبيرها
      كل فرحة في فؤادي .. إنتي لحظاتها المثيرة
      كل لحظة عمقت في قلبي حبك واحترامك يا أميرة
      كفكفت من عيني دمعات الليالي وقسوةالأيام وجورها
      من بعيد .. من بعيد تكفيني منك .. لفته أو طيف إبتسامة
      نظرة تفضح سر عيونك فيها نجواها وكلامها
      فيها من معني المحبة رقتها وخيرها وسلامها
      فيها ما يغنيني طول أيامي عن سور الندامة
      كل من جهل الحقيقة .. يسألني عن سرك معايا
      لكني خايف .. لو أدل الناس عليك يا أغلي غاية
      كل واحد في خيالو بكرة يتخيل حكاية
      وانتي أبعد ما تكوني عن الأقاويل والوشاية




      خاطرك الغالي
      دائماً أطيب خاطرك الغالى وأسامحك لو نسيت
      ودعت من يهواك وقلبه بقربك مهما نسيت

      كم مرة حاول يفرق بينا حاسداً أو عزول
      كم مره قالوا جنيت عليه بدلت ضوء أيامه ليل
      لكنى يا نور العذراى انا ما بضيع حبى قول
      تلقانى دايماً في رجاك وغناى في حبك رسول

      أسال عليك الليل ونجمه وحتى أنوار الصباح
      وكل طائر في سماه أسال مشاعرك عن هوانا
      وليه حنانك لى راح
      تلقانى في غاية الألم آمالى تزروها الرياح

      حيران أسائل نفسى إيه كان السبب وأصل الخصام
      يمكن أكون في حقك إتلومت في ساعة مـــــلام

      لكن ما معقول يكون أنا قلبى ليك حفظ الفراق
      ما أظنه من عرف الهوى يعرف عداوه مع السلام

      *******
      وغنى له عثمان حسين أيضاً

      عشرة الأيام
      عشرة الأيام ما بصح تنساها
      كأنه ما حبيتك وكأنو ما عشناها
      وضمانا أحلى غرام

      ** **
      ليه تجفا دون أسباب
      من غير عتاب أو لوم
      أخترت غيري صحاب
      وأصبحت قاسي ظلوم
      هان ليك فراقي خلاص
      وأنا برضي حولك أحوم
      كان عهدي بيك ترعاه
      وأجمل صلاتنا تدوم
      أمل المحبة سلام

      ******
      بعدك أماني هواي
      بعدك جنيته عدم
      ولا عرفت صديق
      لي قلبي غير الهم
      كم غيري يشدو سعيد
      وأنا في هواك مغرم
      وريني إيه ضراك
      لو كان صبرت شويه
      وأسلم من الأوهام

      ****
      ما كان فراقنا المر
      في نيتي أو في إيدي
      لكن ظروفك أبت
      وقست ظروفي علي
      واتلاشت الأحلام
      وين حسن ظنك بي
      وريني إيه صداك
      لو كان صبرت شوية
      من عمر السنين أيام

      *****

      ومع زيدان

      في بعدك يا غالي

      في بعدك يا غالي أضناني الألم
      وعشت مع الليالي لا حب لانغم
      وين يا نور عيوني كم طولنا كم

      ***
      من لمسات حنانك خلاص تمينا دور
      أيام مرة خالية من طعم السرور
      كل ما غنى شادي دوبني الشعور
      وأقول ياريت حبيبي لو في الطيف يزور

      ***
      لو كان التمني بينفع كل حبيب
      ما كان السعادة بقت قسمة ونصيب
      ولا قلوبنا الحيارى مع الأيام تشيب
      ولا عاش قلبي تايه في حبك غريب

      ***
      لا تسأل مشاعرك ليه عيني بكن
      يوم ودعني حسنك ولازمني الشجن
      باكر يا حبيبي يعلمك الزمن
      ليه دنيا المحبة للعشاق وطن

      *****

      وقد أضاف الأستاذ نصر جيلي هذه المشاركة:
      ومن روائعه رائعة ابرهيم عوض غاية الآمال:

      يا غاية الآمال لو دعاك الشوق
      ماكان جفيتنا زمان وانت الحنان والذوق
      ********
      في عالم الأشواق لو مره عشت معاي
      وبلهفة العشاق حسيت معانى هواي
      كان ياجميل حنيت ورددت لحن غناي
      وسقيتني كأس الريد وعادت ليالي هناي
      ********
      وريني ليه بتخاف تكتم عواطفك ليه
      وحبك مع الأيام من قلبي ليك بحكيه
      تبخل علي بلقاك وعطفك دوام تخفيه
      وعطفك أمل قدرته عشت السنين راجيه
      ********
      عارفك وديع ورزين أجمل ملاك في الكون
      وعارف عفافك فطره لكن حنانك وين
      مابصح وأنت قريب يكويني جمر البين
      مادام قلوبنا أتلاقوا و أرواحنا قالت زين

      تعليق


      • #4
        أغاني وأغاني 2011

        الحلقة الثانية عشر


        الجزء الثالث

        ‫أغاني وأغاني 2011 الحلقة الثانية عشر - الجزء الثالث‬‎ - YouTube
        التعديل الأخير تم بواسطة وليد الحسين; 08-13-2011, 02:00 PM.

        تعليق

        يعمل...
        X