Close

صفحة 4 من 6 الأولىالأولى 123456 الأخيرةالأخيرة
النتائج 46 إلى 60 من 85
  1. #46
    تاريخ التسجيل
    Dec 2010
    المشاركات
    6,723

    Ah7


    حليوة ليلة المولد

    كلمات : محمد طه القدال

    بقول غنوات .. وأقول غنوات
    فى البلد البسير جنياتها لى قدام
    وفى الولد البتل ضرعاتو فى العرضة
    ويطير فى الدارة صقرية
    ولو السمحة تلت إيد
    ومدت جيد يقوم شايلاهو هاشمية
    يشيل شبالو ختفة ريد
    و ريدة روح و فرحة عيد
    وحمرة عين وإيدية
    و يا الولد البشيل مدقاقو قولة خير على القمرا
    يقابل الجاية متحزم ويدارك الجاية متلزم
    كلام فاسك على أرضك
    بيبقى عديلة يا بيضا
    و يبقى زفاف تزغرد ليه قمرية

    ****

    و قبال حول تغيم غيمة قبلية
    ترش الدارة والحدبة الصعيد الحلة
    يا فرحة بتطارد الصفقة فى النسمة الصعيدية
    ويا جهرة نهار الليلة بدرية
    رحيح جنياتنا فى
    الحدبة الصعيد الحلة
    يا سمحاتنا هو لبلب
    يا قمحاتنا هو لبلب
    و يا اللوز الفتق فى الوادى هو لبلب
    ويا البحر الطمح مدادى هو لبلب
    ويا حجواتنا يا دعواتنا هو لبلب
    سألتك بالذي ركز الأرض معبد
    وسوى الناس عليها مقام
    سألتك بى حجا الأمات ودمعاتنا
    سألتك بى كبيداتن و دعواتنا
    شليل وين راح
    يكون طلّ الخريف فاتنا
    وشليل وين راح

    ****

    و زى برق السماك الجابها دغشية
    و زى زغرودة البطن الكبارية
    مرق من شامة القمرة
    مهيقت بى وداعة الله و مقدم بالعديل يبرا
    أبشروا تعالوا يا جنيات
    شليل ما راح شليل ما فات
    شليل عند المسورو حرق بقالو حصاد
    شليل فوق التقانت قام خدار وبلاد
    شليل مشوار شليل مسدار
    شليلنا أرضنا يا جنيات
    حرازنا شليل شليلنا دليب
    شليلنا دليل على البلدات
    بعد درب التبلدية
    شليل قايم نصاصي الليل
    يتمتم ليلو وردية
    شليل ما راح شليل ما فات
    مزارع بات على عشقين تراب بلدو
    وسماح فوق بت مزارعية
    أنا بقول غنوات ... بقول غنوات

    ****

  2. #47
    تاريخ التسجيل
    Dec 2010
    المشاركات
    6,723

    Ah7


    ضلّيت

    كلمات : قاسم أبو زيد

    ضليت هرب منى الأمل جنيت
    جافانى الشروق حنيت
    كنتى معايا فى لمـّة دليب شاشاى
    فى إيقاع حشا المردوم
    فى جيد الزمن سوميت

    ****

    مرقت على محظات السفر غربة
    و ما لقيتك أمل شارد
    مع إنك معاى فى زحمة المشوار
    وحتى يقينى عاد من تانى
    صحـّاك من حنين ذاتى
    نجم الفرحة يا عايد

    ****

    تعالى معاى
    تعالى معايا من زفة نفس مسدار
    وما جرتق فرح كانت
    ولا طعم الشقا الروّح
    خطاى هانت
    وإنتى معانى شايلاها القوافى
    معزة فى عمق الفرح دوبيت
    وكت ضليت
    قعدتّ براى وحسيتك
    بتطلعى من نفس طورية ضامـّة الطين
    ومن دمعة وجع طوّل
    ندا العرق البنادى حنين

    ****

  3. #48
    تاريخ التسجيل
    Dec 2010
    المشاركات
    6,723

    Ah7


    عباد الشمس

    كلمات : قاسم أبو زيد

    عباد الشمس شافك مشاك
    ساقِك جبيرة وجد
    تيار الظلام غطاك
    غياب البهجة ما هزّاك
    هواك هز العهود بى الصد

    ****

    تذوب يوم الشموس ضوّت
    عباد الشمس يوم جاك
    سألنا الغيم عِنادِك ردْ
    أسف بُعدِك حروف جفّت
    جِدار الماضى دمعة خد

    ****

    غَفل طرفِك صَرَخْ يا ليل
    سرق عِشقِك صباحاتى
    شتيل إحساسنا ما فرهَد

    ****
    رحل صوت المغنى حزين
    ولسّة الصوت صِراع زمنى
    مواعيد عِشقِى ما بتِنـْهـَد

    ****

  4. #49
    تاريخ التسجيل
    Dec 2010
    المشاركات
    6,723

    Ah7


    عمنا الحاج ود عجبنا

    كلمات : أحمد عبد الله البنا (الفرجونى)

    عمنا الحاج ود عجبنا
    فى الفريق ياهو الركيزة
    هو البشيل حمل الرباعة
    وعندو كلمة على الجماعة
    وفى الفريق باقيلنا تاية
    وكل طيب ليهو غاية
    وللضعيف تلقاهو ساند
    ويقهر الكعب المعاند
    للضيوف ديوانو فاتح
    ديل يقوموا وديل ينزلوا
    يا ولد جيب الرتاين
    وجيهوا الديوان فراشو
    أفرشوا الفرشة الكبيرة
    والأباريق والتباريق
    وأضبحوا الحمل المدوعل
    عمنا الحاج ود عجبنا
    من سنين أيام جهلتو
    ديمة فى دعوات صلاتو
    يسأل المولى السلامة
    وسترة الحال والكرامة

    ****

    عمنا الحاج ود عجبنا
    فى ليلة من ذات الليالى
    فى زمن حظر التجول
    جاهو ضيف فى راس حداشر
    رحب الحاج بيهو جداً
    فرشولو ونزلوهو
    وكاسوا للعشاء ما إتلقالو
    ما الرغيف ممحوق مقصر
    والبلد فى حال معسر
    وعمنا الحاج فى مبادئوا
    وجبة الضيف زي فريضة
    وهسة ضاقت بى العريضة
    ضيفوا كيف يترك عشاهو
    من دا زايد إختشاهو
    وجاتو فكرة يمشى للفرن المجاور
    ولى لجان العيش يشاور
    بس عشا الضيف يا جماعة
    وضيفى نازل ليهو ساعة
    شاكلوهو ودفروهو ونهروهو
    وجاتو دورية الطوارئ
    وأمسى بايت فى الحراسة
    وناسوا جنوا
    للصباح ما عرفوا حاجة
    وين دا روح
    وجاهم الخبر المؤكد
    ود عجبنا فى الحراسة !!

    ****

    ماشى محكمة الطوارئ
    ناسو أولادو وبناتو
    عرفوا حالوا وبدرى فاتوا
    راحوا محكمة الطوارئ
    فيها فى نص الخلايق
    شافوا حالاً ماهو لايق
    عمنا الحاج بى جلالو
    فوقو حس السوط مولول
    فوق قفاهو وفوق سنونو
    فوق رجولو ومرة
    فوق فججا حشايم
    أصلو ما قايل يهونن
    حتى كان نزلن هجايم
    إلا لكن الليالى
    هى البترخص كل غالى
    حاكموا الولد المنصب
    كتفو بالدبور مقصب
    إنت يا حاج يا مخالف
    زول مخرف وعقلو تالف
    إنت يازول ماكا دارى
    زلة الناس فى الطوارئ
    أجلدوهو وغرموهو
    ونفذوا الحكم البهينو
    شان يفتح تانى عينو
    تسمع السوط ليهو خاوية
    وفوق قفا الشيخ صيحتو داوية
    وفجأة رفع الحاج عيونو
    شاف بنات ولدو وبناتو
    كلهن واقفات يعاينن
    دمعتن فى العين ترقرق
    وجعتن فى الجوف تحرق
    والحزن بيهن مفرق
    ده النجوم الفى سماهن
    وده الزمان الكان حماهن
    كل سوط نازل عليهو
    من شعاع الضو عماهن

    ****

    عمك الحاج دمعو سًرق
    وسيلو فوق أشنابو زرًف
    تم حكمو وراح بيوتو
    نفسو مكسورة وذليلة
    كيف ملاقات الحليلة
    وصحوة الروح العليلة
    فى البيوت الجوه غادى
    عمك الحاج ما إعتيادى
    فوقو متلمين جماعتو
    والسكيلى ضارب حزاينى
    وقالوا ناداهو المنادى
    فارق الدنيا المهينة
    يقطع الذلة وسنينا

    ****

    فوق فراش ودعجبنا
    تسمع الزول البوصى
    أقفلوا الحوش يا جماعة
    طفوا أنوار الرتاين
    داك حرس حظر التجول
    من بعيد ليكم بعاين
    يا زمن حظر التجول
    يا زمن حظر التجول

    ****

  5. #50
    تاريخ التسجيل
    Dec 2010
    المشاركات
    6,723

    Ah7


    سـر مكتوم

    كلمات : سيف الدين محمد صالح

    يا سر مكتوم فى جـوف أصداف
    فـتـشـت عليك بقـليب نزّاف
    لا خـبـيـر يـهـدى لا دليل وصّاف

    ****
    يا سر مكتوم فى جوف أصداف
    راجـياها الريح وكتين ما تطــل
    على موجة تمرجح زهرة فـــل
    وتشيلا تروح و الدنيا تنوح
    على قمراً مات فى مطر الليل
    يتّم نجمات بكاها السيل

    ****

    يا سر مكتوم فى جوف أصداف
    الريح القاسية عنيدة تمام
    طـفــت الـقـنديل الكان مـقـدوح من دمع الليل
    رمت القُـنديل الكان نديان فى جــرف النيل
    رسمت أحزان وسؤال حيران فى عيون أيتام

    ****

    يا عمر مرسوم فى كف أقدار
    يا خطايا الطال بيها المشوار
    ياليل مشتاق لى دفقة نور
    ياظلمة تبكى حتى البلور
    ياموجة تعاند فى التيار
    يا خطايا الطال بيها المشوار

    ****

  6. #51
    تاريخ التسجيل
    Dec 2010
    المشاركات
    6,723

    Ah7


    البت الحديقة

    كلمات : خطاب حسن أحمد

    حتجى البت الحديقة
    فاردة أنسام فى طريقا
    وشايلا ألوان

    ****
    حتجى البحدث بريقا
    ضجـّة الضو فى المكان
    حتجى المن بدرى جات
    من ضلامات السكات
    شايلة قمرين فى عيونا
    وفاتحا ليلين بى جنونا
    وضاوية ساحات
    إنتمت لى فجر فات
    وتنتمى لى عصور جديدة

    ****
    حتجى البت البريدا
    ضاحكة منتصرة وعنيدة
    آملة مزدهرة وجديدة
    ناقشة فى الزول أغنيات
    حتجى المن بدرى جات
    ناسفة أزمان الثبات
    واصفة لى الناس الطريقة
    ولى العصافير الجهات
    حتجى البت الحديقة

    ****

  7. #52
    تاريخ التسجيل
    Dec 2010
    المشاركات
    6,723

    Ah7


    دمعة حزن سالت

    كلمات : صلاح حاج سعيد

    قلت ليها
    وإيدى فى إيديها
    دمعة حزن سالت
    جاى منك وماشى ليك
    يا مداين غربة طالت
    لو مدارات نجمى ضلت
    وسكة السفر استحالت
    كوني فى دربى الحقيقة
    الديمة ليها مشاعرى مالت
    قلت ليها
    وكنت راجع لى عينيها
    من أسى الزمن المسافر
    فى المشاوير العصيبة
    من متاهات الأمانى
    بيني لا بينك مزار
    لا محطات إنتظار لا مواعيدك قريبة
    إنتى يا الفرح الحقيقة المستحيل
    هدهدي الصبر الجميل
    وأمسحى الألم المخيم
    فى المدارات الرحيبة
    قلت ليها
    الحقيقة الضايعة بين قلبي وعيونك
    إنى لا قادر أفوتك لا أجيك
    وإنى ما عارف بدونك
    أبقى كلمة حب
    تزف البشرى فى ساعة مجيك
    وإنتى عارفة وقلت ليك
    يانى أكثر زول بريدك
    يانى صفوة عاشقيك
    يانى راكز الحيل عليك
    ولسة بى حبك متيم ومبتلى
    إلا ريدك زادنى حيرة على العلى
    لا مراكب البشرى ختن قلبى عندك
    وإنتى لا قلبك نسانى ولا خلا

  8. #53
    تاريخ التسجيل
    Dec 2010
    المشاركات
    6,723

    Ah7


    مزيكة الحوارى

    كلمات : محمد المهدى عبد الوهاب

    مانى غرقان فى التمنى
    و لانى سارح فى الأمانى
    زارنى خاطراً بلّ شوقى وإحتوانى
    النخل إتلاقى غنى
    وردد النيل الأغانى
    النجوم لامع بريقا
    الورود النايمة فاقت
    عطرت كل الجزاير بى رحيقا
    الندى الراقد بفوقا
    صفّقت جنحات و غنت بى هوايا

    ****

    دقوا مزيكة الحوارى
    رقصوا البنوت إعرضوا
    النخل زايد فى عرضو وفى علاهو
    البيوت غرقت وراهو
    وبرضو زايد فى علاهو
    يحكى للدنيا الجميلة
    سر ثباتو وسر بهاهو

    ****

    ضى عيونك يا بنية
    يضوى من بلداً بعيدة
    تحملك لينا الغمامة
    ويكتمل للروح نشيدا
    فى الدروب اللّيك تودى
    بنسرج الخيل العنيدة
    والحزن من ضى عيونك
    يلبس الفرحة الجديدة

    ****

    وأنا راكب يا مراكب
    لا الرياح توقف خطايا
    لا الجبال تحجب رؤايا
    ست شموس الكون منايا
    ليك مسافر من كتير الزاد
    مسافر بى غنايا
    نوصل الشمس البعيدة
    نبقى عيدا
    نزرع الحب البيوقد
    لى النهاية

    ****

  9. #54
    تاريخ التسجيل
    Dec 2010
    المشاركات
    6,723

    Ah7


    طوريتك + رميتها + مناسبتها


    يحكى الراحل المقيم مصطفى سيد أحمد قائلاً : فى آخر أيام الرئيس الراحل جعفر نميرى و فى تلك الأيام التى ضاق الناس بها ذرعاً ، كانت هنالك مجموعة من الشعراء تجلس و تتحاور و من وحى الحوار تُكتب أعمال ، و يدور النقاش حول كيفية إيجاد الحل إما بخروج الطلاب فى مظاهرات فيصفق لهم الإنتهازيون و تغلق الجامعات و تُجمّد دراستهم و يترتب على ذلك تأخر الدراسة و غيرها من أمور ، و أيضاً طرد البلد للناس بظروفها القاهرة و مسألة ضيق العيش و الرزق الذين يعتبروا أيضاً زُبدة الشباب الكادحين و المتفوقين فى حياتهم و لو وجدوا لكانوا خرجوا فى تلك الإنتفاضات و المظاهرات ، بالإضافة لعدم تكامل الظروف الخاصة مع ساعة الصفر و لحظة إندلاع الثورة ، و تأخرها بسب الظروف الإقتصادية فى ذلك الزمن و إنشغال نفس العناصر هذه بمسؤولياتها تجاه أسرها فدار النقاش حول هذه النقاط العدة .
    أحد الموجودين و هو الشاعر محمد المهدى عبد الوهاب كتب و تفاعل مع هذه الظروف بيتين هم :

    طوريتك فى الطين مرمية **** و كوريتك يابسة و مجدوعة
    لا غيبتك كانت مرضـية **** و لا فـوتك كانت مبلوعة

    و أيضاً من وحى ظروف الجفاف و ضيق العيش و المجاعة كتب الراحل المقيم مصطفى سيد أحمد مقدمة لهذه القصيدة و بلغة قديمة لتصوير هذه الظروف :

    حتى الفصول صابا الجفاف ***** لا غيمـة لا زفـة هـرع
    و السمبر البفرح صفيرو ***** غشـانا و إتقـاطر رجع
    شدرنا من لفح السموم ***** غصنو الرقص رويان وقع
    لا شافا لى ريحة دعاش ***** لا هشّة لى برقـاً لـمع

    بعد ذلك جاء الشاعر صلاح حاج سعيد و أكمل القصيدة للنهاية :

    اللهب الضوّى الليل قناديل ***** فى عيون النجمة القطبية
    و التعب المدّ ضراع النيل ***** سجادة فقـراء مزاورية
    سائلين عنك يوماتى رحيل ***** لمـوانئ المدن النبطية
    شقيش ماكفل جابو الحيل ***** فى قلوبنا مواجعك متكية
    و أبعتلك شال الحب مرسال ***** تايهين فى بحرو مراكبية
    بكتب على صدر الموج آمال ***** أطفـال عمـال و مزارعية
    كيف حال يا أبوى كيف حال يا خال **** بتمسى بيوتنا الكاكية
    حزنانة بتبكى مآل الحال ***** و الزمـن السـابكـم إيدية
    التعديل الأخير تم بواسطة ود البشير ; 11-04-2013 الساعة 12:29 AM

  10. #55
    تاريخ التسجيل
    Dec 2010
    المشاركات
    6,723

    Ah7


    يقول مصطفى سيد أحمد : أنا لما قريت القصيدة فى الأول حسيت بى إنها بتلمسنى فى مكان ما ، لكن المسألة دى ما إتبلورت بشكلها الكامل بمعنى إنه ما قدرت أصل لى المعادل إلا بعد ما قريت الديوان ( ديوان الرحيل فى الليل ) كله ، و من خلال إطلاعى على الديوان كله إتكثفت الصورة من خلال كل القصائد الموجودة فى الديوان لدرجة إنه ما كان فى لحن جاهز ليها ، لكن بمجرد ما مسكت العود إدفق اللحن بالشكل ده كشئ تلقائى جداً لأنه زى إتشبعت بالروح الموجودة فى القصيدة و اللى بتربط كل قصائد الديوان ببعضها بالضبط زى الخيط البينضم حبات العقد ، و من خلال إطلاعى أيضاً إتكثفت الروح الوجدانية أو البيئة النفسية بتاعة الشاعر عبد الرحيم أبو ذكرى فى جواى اللى فى النهاية إتبلورت فى شكل القصيدة الأساسية فى الديوان قصيدة ( الرحيل فى الليل ) و إنشحنت بالروح دى لدرجة إنه مجرد ما مسكت العود طلعت كشئ تلقائى و إطلاقاً ما كان فيها حتة بتاعة معالجة قبل التسجيل و ده بيرجع لأنه حصلت كثافة بتاعة تقمص ، ما لم تحصل الدرجة دى من التقمص بيبقى الشغلانية ظاهرة فيها الصنعة و لوى الأشياء عشان تقوم تطاوع قوالب محددة جائز تكون مختلفة منها تماماً و دى طبعاً بتعكس عدم صدق العمل الفنى لكن الشئ التلقائى دائماً بيكون فيه روح الصدق .


    الشاعر عبد الرحيم أبو ذكرى


    إسمه عبد الرحيم أحمد عبد الرحيم محمد خير من مواليد تنقاسى عام 1943 م و إسمه الأدبى عبد الرحيم أبو ذكرى ، عمل والده بشرطة كوستى فنشأ الشاعر بإشلاق شرطة كوستى ، إجتاز المرحلة المتوسطة و تم قبوله بمدرسة خور طقت إحدى المدارس العريقة ، كان ميوله السياسى إلى الجبهة الديمقراطية ، و فى خور طقت قام بتأليف ( نشيد خور طقت ) الذى فاز بكأس الشعر ، و تميز هذا النشيد بأنه النشيد الرسمى الذى ردده آلاف التلاميذ الذين تعاقبوا على المدرسة حتى إغلاقها . و يقول النص :-

    من نقطة فيحاء فى إفريقيا البلد العنيد
    من طقت الكبرى سأعزف معلناً هذا النشيد
    هذا النشيد الحلو رمزاً للبلاد و للخلود
    أنا عالم تنضم تحت لوائه كل البنود
    لا أعرف الحقد المرير أسوقه فوق الوجود
    من حاضرى و فتوتى من مهد ماضىّ التليد
    سيعود قلبى الوفى لأبتنى الأمل الجديد

    بعد أن تخرج أبو ذكرى من خور طقت تم قبوله بجامعة الخرطوم عام 1963م بكلية الآداب و تركها بسبب توجهه الفكرى و سافر إلى الإتحاد السوفيتى عام 1966م و إلتحق بجامعة الصداقة في موسكو حيث نال درجة الماجستير فى اللغة و الآداب الروسيين عام 1971م ، و دبلوم الترجمة من اللغة الروسية إلى اللغة العربية بدرجة إمتياز فى نفس العام .
    فى عام 1973م عاد أبو ذكرى إلى السودان و عمل بوزارة الثقافة و الإعلام ، و فى نفس العام أصدر ديوانه ( الرحيل فى الليل ) ، تميزت فترة ما بعد عودته من روسيا بإنتاج ثر فى المناشط الثقافية ( ملف الأيام الثقافىمحكمة الأيام الأدبيةمجلة الخرطوممجلة الشعر المصريةمجلة الهلال المصريةمجلة الثقافة السودانية ) التى كان أبو ذكرى أول سكرتير لتحريرها منذ عددها الأول عام 1976م حتى غادر منها إلى رومانيا و من هناك إلى روسيا حيث لحق بمعهد الإستشراق التابع لأكاديمية العلوم السوفيتية ، نال درجة الدكتوراة في فقه اللعة و كان موضوع رسالته ( خصائص الترجمة من اللغة الروسية نظرياً و علمياً في أدب أنطوان تشيخوف 1904 – 1987م ) التى أشادت بها صحيفة المدار السوفيتية .
    تميزت حياته بموسكو بإنتاج كبير على مستوى الترجمة فقد ترجم لمايكوفسكى ، و نوادر دمبارزى و ماريا فيسلوفا و سيرجى يستنن و باسترناك بالإضافة إلى أعلام الفكر الروسى بوشكن و تشيخوف . و تأثر بهؤلاء الأدباء كثيراً .
    لم يجد الشاعر سبيلاً إلى التواصل مع مثقفين معاصرين أو مع مجتمعات صاعدة أو تيارات أدبية متقدمة وكان من الممكن أن يحد مثل هذا التواصل و أن يخفف من محنته الفكرية وقبيل الرحيل كانت قد إنتابت الشاعر حساسية مفرطة تجاه العيش والعالم بأسره وتولد لديه حس عارم ألا وهو الرغبة فى نبذ الحياة ، مات أبو ذكرى فى إحدى ليالى شتاء بحادث تراجيدى عام 1989م قفز من الطابق الرابع منتحراً فى موسكو و تم نقل جثمانه إلى الخرطوم و دفن بمقابر فاروق .


    الرحيل فى الليل


    كلمات : عبد الرحيم أبو ذكرى

    أيها الراحل فى الليل وحيداً .. ضائعاً منفرداً
    أمس زارتنى بواكير الخريف
    غسلتنى بالثلوج و بإشراق المروج
    أيها الراحل فى الليل وحيداً
    حين زارتنى بواكير الخريف
    كان صيفى جامداً .. و جبينى بارداً
    و سكوتى رابضاً خلف البيوت الخشبية
    مخفياً حيرته فى الشجر ..
    و غروب الأنجم .. و إنحسار البصر
    لوحت لى ساعة حين إنصرفنا
    ثم عادت لى بواكير الخريف
    حين عادت وثب الريح على أشرعتى المنفعلة
    سطعت شمس الفراديس على أروقتى المنعزلة
    و مضت تحضننى الشمس الندية
    و التى ما حضنتنى فى الزمان الأول
    فى الزمان الغائب المرتحل

    ****

    أيها الراحل فى الليل وحيداً .. ضائعاً منفرداً
    إنتظرنى .. إنتظرنى
    فأنا أرحل فى الليل وحيداً موغلاً منفرداً
    فى الدهاليز القصيات إنتظرنى
    فى العتامير و فى البحر إنتظرنى
    إنتظرنى فى حفيف الأجنحة
    و سماوات الطيور النازحة
    حين تنهد المزارات و تسود سماء البارحة
    إنتظرنى ... إنتظرنى ...

    ****

  11. #56
    تاريخ التسجيل
    Dec 2010
    المشاركات
    6,723

    Ah7


    نفسى فى داخلك أعاين

    كلمات : د / بشرى الفاضل

    نفسى فى داخلك أعاين
    و أروى روحى وأشوف منابعك
    الصحرا فى عينيا تتواثب جناين
    مآخدة صوتك من جداول
    ومآخدة صورتك من كهارب
    مولداً ميدانو حافل
    كل ما يصبـِّح تجيهو الناس جحافلْ
    يا سلام ... يا سلام ...

    ****

    لمـّا تعبرى فى الشوارع
    شوفى كيف الناس تصارع
    ناس تطفـِّر وناس تدفـِّر
    فى البشابى على نجومك
    و فى البخبْ كايس تخومِك
    و كل زول من عِنْ سُلافك
    لا لا قال دايرلُو كآس

    ****

    مرّة طربان .. شلت صوتك شان أغنى
    قلت آه يا ليل .. و آه
    إنتى أول .. و إنتى تانى .. و إنتى تالت
    و إنتى رابع
    نافرة زى صيد الخلا
    و ساقية زى نبع المنابع
    و قلتى لى غناى خلاص

    ****

    حلوة عينيك زى صحابى
    عنيدة كيف تشبه شريحتين من شبابى
    حلوة عينيك زى صحابى
    و زى عِنب طوّل معتـّق فى الخوابى
    و سمحة زى ما تقول ضيوفاً دقـّوا بابى
    فرحى بيهم سال ملا حتى الكبابى

    ****

  12. #57
    تاريخ التسجيل
    Dec 2010
    المشاركات
    6,723

    Ah7


    الشعر المعطار

    كلمات : عثمان مالك

    إذا عادت بنا الأيام للماضى
    كتبت على ثوانى العمر شعراً
    لا يدانيه ..
    غناء الطير و همس الماء
    و وشوشة الضياء فيه
    ركبت زوارقى أبحرت
    فى شعر لها مجدول
    جعلت مشاعرى جندول

    ****

    إذا عادت بى الأيام يوماً
    أيها الأحباب
    و لو فى زورق يمضى
    على الصحراء عبر سراب
    أنا ملاّحه الفرحان
    أطرق مغلق الأبواب
    أدّق ليس يعنينى
    لأنى قادم من حاضر اللحظات للماضى

    ****

    و بى شوق سيشعل صمت هذا الزورق الهادئ
    فيدفعه إلى الوادى
    إلى أفق أنيق النجم صدّاح البساتين
    و أشدو حين تأتينى
    فتاة لدغة العصفور أنفاس الرياحين
    بكفيها و لى فى عمق هدبيها
    حكايات و أشعار
    و لى فى شعرها المعطار أخبار
    إذا سالت على وديانها الخضراء أمطار

    ****

  13. #58
    تاريخ التسجيل
    Dec 2010
    المشاركات
    6,723

    Ah7


    إصطفيت جرحك براك

    كلمات : د / طلال دفع الله

    و إصطفيت جرحك براك
    وتر إنتباهك و النغم
    ضفة تزرع فى الشروق
    و ضفة بتقاوم الألم
    شمعة الأمل التهِد ليل الكوابيس
    زمن الودار
    شامخة بتعاند فى صدى الليل
    الهياج الإحتضار

    ****

    صاح إنتباهك فى الزمن
    لما إصطفاك
    قدر العصافير .. الرحيل
    غدر الشِباك شوك المتاهات .. الدوار
    تحتك نسيج الليل .. طويل
    الأناشيد المآخدة من حـِزم الشعاع
    نار البدايات البتول
    للسحابات التلوِّح قوس قزح
    بُشـْرَة هطول
    و لى ضِيا القمر المقرّح
    ضد قوانين الأفول

    ****

    ليك يا آخر الخيول
    فرس الرِهان الما كبا
    وهج الشموس الإشتعال ..
    و إنكسار المستحيل
    شقيتو بى سيل الحروف
    الطالعة دابا من الصدف مجرى البحر
    تيارو و الموج الرجوع
    أديتو حيل مدّو الزمان كان إنحسر
    غيرت فى الزمن الملامح
    طعم الكلام لون الغُنا
    و طبع البذور كيميا التراب
    طقس المطر

    ****

    صاح إنتباهك فى المكان
    زهو السنابل بالقموح
    و إجتراحك لى لسان لغة الجموح
    وكتين يتوه بين السكات
    و سيف القيود .. الإرتهان
    شمس الحقيقة الـ .. آه ..
    بقت منفى و نزوح
    و إقتباسك للصبر لغة اليقين
    بإنقسامك فى الزمن
    و إنصهارك
    و إقتسام الآهة بينك والمحن
    و إنتصارك لى صباحاً بكرة طالع
    من مدارات الصهيل
    يا صباحك
    لما تنداح ضفة جراحك .. بالشجن
    و تقلِد الزمن العديل
    يا جراحك
    لما تفرد غيم جناحك
    فوق عذابات الوطن

    ****

  14. #59
    تاريخ التسجيل
    Dec 2010
    المشاركات
    6,723

    Ah7


    ألقــاك وين

    كلمات : قاسم أبو زيد

    ألقاك وين ...
    كان الفرح قفل مسامات الضياع
    غناك مزمار الزمن إرشيف عشق
    أصوات نغم وتر التراخى موشحات

    ****

    ألقاك وين ..
    من غبت ما شرقت شمس
    والدهشة ساساق الدروب
    لى وين تمش
    نار النضال لو تنهبش
    توقد سنون المتعبين
    تعقد زفاف آخر ضمير
    إتباع مقنن بالقرش

    ****

    ألقاك وين ..
    كان التعب ما خت إيدو على جبين تربال
    يخم رمل الشقا المليان غلب
    دقست قوافلو مع السراب
    رابط جليد الهم سعن
    محزوم خشيمو من الصبر
    راجي السحاب

    ****

    نلقاك وين ..
    أنا و إنت و النيل و الأرض
    و البور مشتت متنسى
    نجامة التعب الكعب
    ما كان عول
    ريدى الصبح صفصاف هدير البر
    أيامى توب شحاد هذاه خم و خم
    أنا ما لقيتك ليه طعم الفراق دم دم
    ختيتى فوقى الليل و الليل سقانى السم
    أنا خاطرى فى المطرة
    ريحة الدعاش و الشم

    ****

  15. #60
    تاريخ التسجيل
    Dec 2010
    المشاركات
    6,723

    Ah7


    غناء العُـزلة ضد العُـزلة

    كلمات : الصادق الرضى

    الحزنُ لا يتخيّر الدمعَ ثياباً
    كى يُسمّى فى القواميسِ بكاء
    هو شئٌ يتعرى من فتاتِ الروحِ
    يعبرُ فى نوافيرِ الدمِ الكبرى
    و يهرب من حدودِ المادةِ السوداء
    شئُ ليس يفنى فى محيطِ اللونِ .. أو يبدو هُلاماً
    فى مساحات العدم
    الحزنُ فينا كائنٌ يمشى على ساقين
    دائرةٌ تطوِّف فى فراغِ الكون
    تمحو من شعاعِ الصمتِ ذاكرة السكون المطمئنة

    ****

    كيف ترفضُّ الجدائلُ فضةً فى الضوءِ
    ترفضُّ الفقاقيعُ ما بين إمرأةِ الرزاز
    إشارةً للريحِ فى المطرِ الصبىِ
    إضاءةً فى الماء .. خيطاً من حُبيباتِ الندى
    سحراً .. صلاةً .. هيكلاً .. قوسَ قُزح
    ذلك سرُ الكونِ
    أن تبصِرَ فى كلِ حُسنٍ آيةً للّه
    أنواراً من الملكوتِ والسحرِ الإلهىِّ المهيب
    ذلك سرُ العدلِ ..
    أن تتفجر الأشياءَ تفصِحُ عن قداستِها
    ترى فى الشىءِ ما كان إحتمالاً
    ثم تنفتحُ الكنوز
    الأرضُ كانت تُدخِرُ القمحَ لأطفالٍ لها
    فقراء .. لا يتوسدون سوى التراب

    ****

    قُلْ للذين يوزعون الظلمَ بإسمِ اللهِ فى الطرقاتْ
    الله فى نار الدموع
    و فى صفوفِ الخُبزِ .. و العرباتِ .. و الأسواق .. و الغرف الدمارْ
    البحرُ .. يا صوتُ النساءِ الأُمهاتْ
    القحطُ .. يا صمت الرجالِ .. الأُمهاتْ
    اللهُ حىٌّ .. لا يموتْ ..

    ****

    كيف إستوى ماكان بالأمسِ هواءاً نتناً .. ريحاً بغيضاً
    بما كان هواءاً طيباً
    ريحاً يؤسسُ معطياتِ الشارعِ الكبرى
    عبيراً ضد تلك الرائحة
    ما أشبه الليلةَ بالبارحة
    كلِ ما كنا نغنيهِ على شارع النيلِ
    تغيّبْ و إنطوى
    فى الموجِ منسياً .. حُطاماً فى المرافئ
    أو طعاماً للطحالبِ
    فى إنزلاقِ الصوتِ للقاعِ
    و فى صمتِ المسافاتِ القصيّة

    ****

    إخترْ مكانك و أحترق حيثُ إنتهيتْ
    أنت منسوبُ الدمِ الآن
    و أنت الإشتعال النارُ مجمرةُ الغضب
    أنت إذن ضياءُ اللحظةِ الآتى
    أنا ــ أنت ونحنُ و الناسُ و الشارعُ
    و العواميدُ التى تمتدُ بالإسفلتِ
    و صوتى ــ صوتك المشروخُ فى صدأ المقاعدِ
    و إنهيارُ البراكينِ

    ****

    لم أقل أن الفضيحةَ قد تراءت تحت أكمام الجلابيب
    تعرت فى تلافيف العُمامة
    و إمتداد اللحية الزيف
    لماذا لم تقل أن العمارات إستطالت
    أفرغت أطفالك الجوعى على وسخِ الرصيف
    أنت تعرف أنهم
    يقفون ضدك ــ ضدنا ــ ضدى
    و أعرفُ أننى سأظلُ ضد السلطة اللاّ وعى
    نحن الآن فى عُمقِ القضية

    ****

    لستَ من نورٍ لتغفرَ
    أنت من طينٍ لتبنى
    فأبنى لى بيتاً لنا ــ لكَ ــ للصغارِ القادمين
    إن يكُن للعدلِ فى الأرضِ وجود
    فليكن دمُنا هو المقياس
    إن تكُن السماءُ مقابلاً للأرض
    فلتكن الدماءُ مقابلا للعدل
    قال اللهُ كونوا ــ ثم كنا
    هل تحققنا تماماً من وجودِ الذات
    فى أرواحنا
    ضوء التكوّنِ .. وإنطلاقُ الكائنات ؟
    نحن نخرجُ من حصار العزلة الكبرى
    لنكتب عن غناء العزلة الكبرى
    و لكنّا نصاب بضربةِ الحزنِ
    أوان خروجِنا من داخِلِ الصمتِ
    وفى صمت السؤال

    ****

صفحة 4 من 6 الأولىالأولى 123456 الأخيرةالأخيرة

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •