مصطفى سيد أحمد «كلمات الأغاني»

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31

    المسـافــــــــة
    كلمات : صلاح حاج سعيد

    لسة بيناتنا المسافة والعيون
    واللهفة والخوف والسكون
    رنة الحزن البخافا
    تعدي بالفرحة وتفوت
    وأبكي بالحسرة وأموت

    ****

    الأماني الفي السفر
    وقبل السفر كايس المواني
    يوم تجيبني عليك بصدق
    إنو مره الحظ طراني
    وإحتواني معاك شجن
    عذبني منك لسة منك جاي تاني
    تمشي وين الخطوة عنك
    ما الزمن بالحب بلاك وإبتلاني
    لسة بيناتنا المسافة والعيون
    واللهفة والخوف والسكون
    رنة الحزن البخافا
    تعدي بالفرحة وتفوت
    وأبكي بالحسرة وأموت

    ****

    فى عيونك يا مدائن
    يا مدائن الفرحة والحب والجسارة
    عندي ليك مليون بشارة
    ألف طيف والكلمة شارة
    إنتى لما الحب يهون
    فى عيونك فى عيوني
    ويبقي حائر بالأمارة
    الفرح منك يجيني
    يعتريني الخوف عليك
    خطوة .. منك
    خطوة .. ليك
    راجي منك بس إشارة
    كلمة تديني البشارة
    لسة بيناتنا المسافة
    والعيون واللهفة
    والخوف والسكون
    رنة الحزن البخافا
    تعدي بالفرحة وتفوت
    وأبكي بالحسرة وأموت

    ****

    تعليق


    • #32

      مُــدن عينيــك
      كلمات : عبد القادر الكتيابى

      لمحتك .. وقلت بر آمن بديت أحلم
      ألملم قدرتي الباقية وأشد ساعد علي المجداف
      تلوح لي مدن عينيك وترفع لي منارة بسمتك سارية
      و بديت أحلم

      ****

      كل ما الريح تطارد الموج أزيد إصرار
      وأحلف بيك أغير سكة التيار
      وأقول يا أنت يا أغراق
      ألوح لي مدن عينيك .. تلوح لي
      أخاف الضفة ترجع بيك .. قبل ألحق
      أخاف غيم المني الشايل .. تسوقو الريح ويتفرق
      أخاف وأخاف ..

      ****
      وأشد ساعد علي المجداف
      وأجيك بى قدرتي الباقية ..
      حطام إنسان ..
      موسم بى شقي الدنيا
      ومقسم قلبو فى الأحزان
      أجيك فنان ..
      أشد أوتاري وأحكيلك
      حكاية إنسان
      وهب لى سكتك نـفسو
      ورسم صورتك علي حسو
      وربط ساعد على المجداف
      و قال يا إنتى يا أغرق
      أخاف و أخاف ....
      أخاف غيم المنى الشايل
      تسوقو الريح و يتفرق
      و ألاقيك يا أمانى سراب
      مواهبى عليهو بتدفق
      أخاف و أخاف .... أخاف ....

      ****

      تعليق


      • #33

        على بابك

        كلمات : عبد القادر الكتيابى

        على بابك نهارات الصبر واقفات
        بداية الدنيا هن واقفات
        وكم ولهان … وكم طائر
        بعد نتّف جناحو وراك
        لملم حر ندامتو … وفات
        قطع شامة هواك من قلبو
        إلا هواك نبت تاني
        وعلى بابك … وقف تاني الغمايم
        شاتي قطن الليل
        مسافر فيها وحداني
        وبدون جنحين
        يغنيك الهنا المافي
        ويغنيلك رهافة حسو
        يفني علي جليد آماله
        يحلم بالشتا الدافئ

        ****

        و قدر ما يمشي فى سور الزمن خطوات
        يلاقي خطي السنين واقفات
        يلاقي هواك نبت تاني
        و علي بابك وقف تاني
        وملأ الساحات …
        علي بابك … نهارات الصبر واقفات
        بداية الدنيا هن واقفات

        ****

        تعليق


        • #34

          الزمن الفلانى

          كلمات : نجاة عثمان

          لمن يجى الزمن الفلانى
          سمانا بتقطر مطر
          دُرّى وتمازج برتكانى
          نسطر إسمك يا حبيبنا
          فى رموش غيم أرجوانى
          ندمن الضحك المعافى
          نحيا فى الفرح المورد
          ياسمينى و أقحوانى

          ****

          يا حبيبنا جوة عينيك
          عايشة ناس
          بتسجل الأيام أغانى
          و الطريق ما ببقي ساهل
          ليك بالمعنى المكانى
          لما يتحقق زمانى
          بمسح الحزن المعشعش
          فى عيونك أسمرانى

          ****

          يا حبيبنا بتحيا
          فى حلم الترابلة
          و فى العلاقات المعانى
          فى البقاسى شقا المسافة
          وعايشة فى داخلو و بعانى
          لما يتحقق زمانى
          بشرق الفجر الحقيقة
          و الصباح الأبيضانى
          لمن يجى الزمن الفلانى

          ****

          تعليق


          • #35


            كان نفسى أقولك من زمـان

            كلمات : صلاح حاج سعيد

            كان نفسى أقولك من زمان
            بى الكاتمو فى سرى ..
            ومكتـّم فى حشاى
            مدسوس سنين
            بى الشايلو فى عيني معزّة
            وفى القلب
            ريداً يخاف الغربة والشوق والحنين
            زاملنى زى خاطر الفرح
            وكتين يقاسم الهم عزا
            وكتين مدامعى تكون جِـزا
            وتفتح مباهج الليل ظنون

            ****
            كان نفسى أقولِّـك من زمان
            سطوة محاسنك عندى ما كسرة جفون
            وكت العيون تعبرنى زى خاطر المسا
            سطوة محاسنك ما الرخام الفى الحرير
            وكت الثغير يفجعنى بى حرفاً .. قِـسـا
            سطوة محاسنك عندى وكتين كبريائك ينهزم
            لى طيبتى .. بى لفظة حنان
            وكتين مشاعرك .. تنسجم فى عمرى
            تنفح قلبى بى رعشة أمان
            سطوة محاسنك عندى
            وكتين شوقى يصبح فى هواك
            ليل عِزّة ما بتعرف هوان

            ****

            كان نفسى أقولك من زمان
            عينيك وحاتك غربتى وأهلى
            و بلادى الفيها ضايع لى زمن
            عينيك وحاتك شوقى لى زولاً ولوف
            من بعدو ساب عينى .. سهن
            وانا كنت داير من زمان
            أشرح حكايتى معاك ألف
            أحكيك .. وأزيد القول .. إلِفْ
            وأتمنى لو قلبك عرف
            كان من زمان
            من قبل ما فى قلبى يتحكـّر
            زمان الغربة فى جرح الأسى
            من قبل ما حرف الحقيقة الحلوة
            يتبدل عسى
            ويصبح أمانى كسيرة
            فى خاطر الحنان
            كان نفسى أقولك من زمان

            ****

            تعليق


            • #36


              وجـــيدة

              كلمات : قريب الله محمد عبد الواحد

              بعيد عنى … خطاك ما لامست وجه الطريق
              ومشيتى
              لا فوق غيمة … لا ظنى
              كأنك من ورا صفحة زجاج مبلول
              وراك الريح وقدامك مدي السكة
              وندا المجهول

              ****

              وأنادى إليك … وجيدة … وجيدة
              لا أتلفتى لا لوحتى … بى إيديك
              و أنادى إليك
              يجاوبنى … المدى الفاتح مدارج الهم

              ****

              بتبقى وجيدة طعنة سيف
              موسدة فى شق السما المرسوم
              وســـادة دم
              وتبقى إيدينا فى إيديك
              فى شعرك وفى المنديل و فى إيديك

              ****
              التعديل الأخير تم بواسطة ودالبشير; 11-02-2013, 09:22 PM.

              تعليق


              • #37

                مريم الأخرى

                كلمات : محمد عبد الله شمو

                ها هى الأرض تغطت بالتعب
                البحار إتخذت شكل الفراغ
                وأنا مقياس رسم للتواصل والرحيل
                وأنا الآن الترقب وإنتظار المستحيل
                أنجبتنى مريم الأخرى قطاراً وحقيبة
                أرضعتنى مريم الأخرى قوافى
                ثم أهدتنى المنافى
                هكذا قد خبرونى
                ثم قالوا لى ترجل

                ****

                ثم أنت أنت يا كل المحاور والدوائر
                يا حكايات الصبا تحفظين السر
                والمجد الذى ما بين نهديك إختبا
                ليس يعنيك الذى
                قد ضاع من عمرى هبا
                وأنا لست أدرى
                ما الذى يدفعنى دفعاً إليك
                ما الذي يجعلنى
                أبدو حزيناً حين أرتاد التسكع
                فى مرايا وجنتيك
                لا عليك ... لا عليك

                ****

                فعلى هذه السفوح المطمئنة
                نحن قاتلنا سنيناً وإقتتلنا
                نحن سجلنا التآلف فى إنفعالات الأجنة
                وأحتوانا البحر والمد اليقاوم والشراع
                يا هذه البنت التى تمتد فى دنياى
                سهلاً وربوعاً وبقاع
                ما الذى قد صب فى عينيك
                شيئاً من تراجيديا الصراع

                ****

                والمدى يمتد وجداً عابراً هذى المدينة
                خبريني هل أنا أبدو حزينا
                هل أنا القاتل والمقتول حيناً والرهينة
                هل أنا البحر الذى لا يأمن الآن السفينة
                خبئينى بين جدران المسام
                قبليني مرة فى كل عام
                فأنا أشتاق أن أولد
                فى عينيك طفلاً من جديد
                أرتدي اللون البنفسج
                أعتلى شكل الهوية
                ضيعتي مريم الأخرى سنيناً
                فى إنتظار المجدلية
                آه لو تأتين آه
                من عمق الموج من صلب المياه
                كالرحيل كالترقب وإنتظار المستحيل
                ها هى الأرض تغطت بالتعب

                ****

                تعليق


                • #38

                  عجاج البحر

                  كلمات : حسن بيومى

                  يراقصنى عجاج البحر
                  ترعد داخلى الأمطار
                  يكلمنى تراب الارض
                  يشدد قلبى الأوتار
                  أغنيكم … أغنيكم
                  أغنى جذوة النار التى فيكم
                  وألعن ذلك البرد المدثـر
                  روحكم برماد موتاكم
                  أغنيكـم

                  ****

                  وأبنى فى عيون الشمس
                  مملكتى تناديكم
                  نسوراً تعشق الترحـال
                  فى الآفاق تبغى الكون حرية
                  فـإن شئتـم تعالوا الآن
                  نرقص رقصة البدء
                  ونعلم أن نمد الكف
                  نحو الشمس بالدفء
                  تعالوا أيها الجوعى
                  تعالوا أيها الفقراء

                  ****

                  تعليق


                  • #39

                    الوجد المُلح

                    كلمات : خطاب حسن أحمد

                    جلبت ليك من بلادالله البعيدة
                    صنوف من الوجد المُلِحْ
                    دُرت ألقاك بالسّمح
                    كنت بصطاد فى الظهيرة
                    من مناقير الكنار
                    بوصلاتك .. كالأغانى
                    و من ثُرى الليل القصيّة
                    أنتشل عطر الأمانى
                    ولو ألاقى اللون أدسّو
                    لمّا يغرس فينى حِسّو
                    لى ملاقاتك هدية
                    وأفقد الرعشة المعبّية فى إيديّا
                    جلبت ليك

                    ****

                    تعليق


                    • #40

                      عينيك مُدن

                      كلمات : صلاح حاج سعيد

                      عينيك مدن منسية فى كتب التواريخ والزمن
                      عينيك وطن مشدود على وتر التباريح والشجن
                      ممدود على حروف الكتابة
                      مكدود عنا ومكتول صبابة
                      وفيه حط النيل سكن

                      ****

                      عينيك سفر مكتوب أعيش فى غربتو
                      وأعشق عذابو وحرقتو وليلو الطويل
                      وأتخيلك يا حلوة زي نسمة سحر
                      جيتى ومعاك حلمي المطول
                      منتظر وعدو الجميل
                      عشقك زمان جواى رحل
                      إتناهى فى الأعماق أمل
                      ضمّخ رؤاى إحساس نبيل
                      أذهل طيوف خاطرى القبيل
                      جاشت ملامح روعتو
                      ضجّ السكون فى وحشتو
                      و الكان أمل فى عيونى لاح
                      ذوب مدرارات فرحة الوهج النضير
                      المزدهر بالإرتياح
                      فجأة إنحصد قبضة رياح
                      وسكت الكلام يا حلوة فى القول المباح
                      وغاب الصباح بعدك رحل

                      ****

                      والكان أمل فى غيم سماك
                      أيقنت إنو عدم بلاك
                      وإنك قدر
                      وإنو البيحلم بى علاك
                      إختار ظروف أحلاها مر
                      عينيك لو تصدق معاي الأمنية
                      عينيك لو أعرف ختام الأغنية
                      بدء الكلام والمنتهى
                      والمستطاب والمشتهى
                      كل المباهج فى المواويل والغنا
                      والعاشقين قلبى وأنا
                      هزتنا فى عينيك تصاوير المنى
                      يا أمنيات من كم سنة
                      يا أغنيات كل الأماسى المستحيلة وممكنة
                      يا المستحيل عينيك تهون
                      والمستحيل قلبك يخون
                      ما الغدر ما طبع الوفا
                      والصدق ما شرط انتفى
                      وأنا حالى من بعدك إنكفى
                      وأنا حالى فى بعدك
                      كفاهو المغنى والحب والشجن
                      والوحشة والشوق للوطن
                      ما العمر قبلك ضاع سدى
                      والعمر بعدك أيه يكون
                      لو يبقى بى حساب الزمن

                      ****

                      تعليق


                      • #41

                        الزمن الأليم

                        كلمات : صلاح حاج سعيد

                        يا جرح عزّة هوانا
                        الساكنة فى حرف الكتابة
                        أصلو فى زمن الأسى
                        المشدود على وتر الكآبة
                        فى زمان الحرقة
                        والخوف والرتابة
                        إنكتم نبض الأغانى
                        وإنبهم حس المعانى
                        وإنجرح خاطر المهابة

                        ****

                        جيتني فى الزمن الأليم
                        وقلبى مثخن بى جراحات الهوى
                        عمرى ضاع فى متاهات النعيم
                        فى دروب الغربة
                        لا تاب لاقوى
                        و كان عيونك فيهن
                        الوصف القديم
                        معني فى الحب
                        إنطوى
                        و ضاع معاك زمن الوسامة
                        وإختفى الفرح العلامة
                        لسة يا حزن الملامة
                        من سنين دربك سلامة

                        ****

                        تعليق


                        • #42

                          عدّى فــات

                          كلمات : صلاح حاج سعيد

                          عدّى فات زمن العيون الإلفة
                          والحضن الملاذ
                          ورهافة الحس البلون
                          ضحكة الناس العزاز
                          بعد الحنان الكان زمان
                          إستوطن المطر الحراز

                          ****

                          روح زمانى وفى رجاك
                          عانيت قساوة الإنتظار
                          فى ضل شبابيك السفر
                          صادقت ليلات الموانى
                          الساكنة فى بحر الأمانى بتنتظر
                          لو يوم طيوفك لحظك تفوت
                          تعبر خيالاتك تمر
                          قلق المواعيد الضجر
                          سهر العيون الإحتراز
                          وإتعزز النوم الخزاز
                          وإتمدد الشقى فى العمر
                          عدّى فــات

                          ****

                          مليت تباريح الحراجات
                          البقت بعدك أسي
                          و فى زمناً قسى وحالاً أسيف
                          ومشيت أفتش عن خطاويك القبيل
                          وأضارى من زمناً وراك ملانى خوف
                          إحتجت أرتاح فى عيون
                          فيهن ملامحك ذاتا من غير أى زيف
                          وإشتقت لى ضحكة صباحك
                          والدعاش عطر رزاز مطر الخريف
                          أنا وإنت والدنيا الأمان
                          والناس وفا وخوة صفا
                          ودفء المشاعر الشاتية صيف
                          أنا وإنت والدنيا الزمان
                          زمن الغناوى الطالعة من قلباً رضى
                          وحساً ندى و زوقاً رهيف
                          وأنا وإنت والدنيا الأمان
                          ما العمر شتان بين أوان زمناً حييتو
                          و عمر ما بتقدر بتعرف
                          بكرة يصبح حالو كيف
                          عدّى فــات

                          ****

                          تعليق


                          • #43

                            والله أيام يا زمان

                            كلمات : التجانى حاج موسى

                            و الله أيام يا زمان
                            ببكى و أتحسر عليك
                            و ما بقول العشنا كان
                            و أرمى حبة لوم عليك

                            ****

                            لسه راجيك يازمان بى حبة الذكرى المعاى
                            عايشة فى وجدانى جوة
                            و لسة بتدغدغ حشاى
                            يمكن الحبيته مرة
                            يلقى فى كلمات غناى
                            فاصلة بتصحى المشاعر
                            ويمكن الطول سهاد
                            تغشى ليلاتو البشاير
                            ويمكن الفرح الزمان
                            لسه أصداهو الحزينة
                            بترن غنوة حاضناها الضفاير

                            ****

                            جايز الأيام.. الأيام تحن
                            تصحى فيك نبل المشاعر
                            و يمكن المجروح يئن
                            و تغشى ليلاتو البشائر
                            و يمكن الفرح الزمان لسه أصداهو الحزينة
                            بترن غنوة حاضناها الضفاير
                            والله أيام يازمان

                            ****

                            تعليق


                            • #44

                              يا بت يا نيل

                              كلمات : مصطفى سيد أحمد

                              رسمت بى وجيها بسيمة ضو
                              بتغالط فى الزمن القاسى
                              بتعاتب فى الغنوة الصعبة
                              ولحن حزين
                              ووتر موجوع يحكى إحساسى
                              بتسأل عن شدو الأفراح
                              يمكن لى جراحنا يكون آسى
                              ما بشبع روحنا فرح زايف
                              لو كان نتناسى وتتناسى

                              ****

                              يا بت يا نيل
                              العاشقك عاشق كل الفيك
                              غنايك فى كل ظروفك
                              فى الفرح البدفق وعد وفال
                              فى الحزن الودّر ضى شوفِك
                              فى سجون القهرك فى خوفك
                              فى النبض الصامد فى البركان
                              السامعو يدمدم فى جوفك
                              يا بت يا نيل

                              ****

                              جرّحنا عتابك يا باكية
                              عايزانا نغنى غُنا الأفراح
                              ما الغنوة الناشفة لبن ضرعك
                              والفرح الفيك خلاّنا وراح
                              ولقينا فرحنا وإنتى حزينة
                              بكون أشتر ويزيدنا جراح
                              خلينا من الفرح الزايف
                              بتعود أفراحنا ونلقى براح
                              رسمت بى وجيها بسيمة ضو

                              ****

                              تعليق


                              • #45

                                زهــرة الصـبّار

                                كلمـات : مظفر النواب

                                في طريق الليل ضاع الحادث الثانى
                                وضاعت زهرة الصبار
                                لاتسل عنى لماذا جنتى فى النار
                                فالهوى أسرار
                                والذى يقضى على جمر القضى أسرار
                                يالذي يخفى الهوى بالصبر
                                بالله كيف النار تخفى النار

                                ****
                                يا غريب الدار إنها أقدار
                                كل ما فى الكون أيام و مقدار له
                                إلا الهوى ما يومه يوم
                                ولا مقداره مقدار
                                لم نجد فيما قطار العمر يدنو
                                من بقايا الدرب من ضوء
                                على شيء وقد ضج الأسى أسرار
                                كنت تدعونا فأسرعنا
                                وجدنا هذه الدنيا محطات بلا ركاب
                                ثم سافرنا على أيامنا أغراب
                                لم يودعنا بها إلا الصدى
                                أو نخلة تبكى على الأحباب
                                ياغريباً يطرق الأبواب
                                نحن من باب الشجى
                                والزخرف الرمزى
                                والألغاز والمغزى
                                وما غنى على أزمانه زرياب

                                ****

                                كم طرقنا بابك السري
                                فى وجد وفى خوف
                                لم تجبنا فابتعدنا فرسخا هجرًا
                                فألفيناك سكراناً جوابات فلم تغفر
                                ولم نغفر كلانا مدع كذاب
                                كل غى تاب
                                إنما غى وغى فيك قد غاب
                                وراء النرجس المكتوب للغياب
                                لاتسل من عادة أن تكثر الأقوال
                                فيمن ذاق خمر الخمر فى المحراب
                                لم يقع فى الشك
                                إلا أنه من لسعة الأوساخ
                                تنمو خمرة الأعناب
                                كلما فى الكون أيام و أصحاب له
                                إلا الهوى ما يومه يوم ولا أصحابه أصحاب

                                ****

                                تعليق

                                يعمل...
                                X