التاج مصطفى «كلمات الأغاني»

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    عشاق
    شعر: اسماعيل حسن

    ما بنساك في قلبي دايما ذكراك
    يا حاسدين كفاي سهاد
    يا هاجرين كفاي بعاد
    لي سنين داير وداد
    لي سنين قولولي وين حبيبي وين
    ألقي المنى بعد الخصام
    يا ساهرين مع النجوم
    يا حايرين مع الهموم
    يا عاشقين بين اللهيب
    يا راحلين شوفتو الحبيب
    ياراحلين دلوني وين اشوف مناي واحكي الغرام
    يا وديع زي الحمام
    يا بديع رمز السلام
    يا ربيع في الكون دوام
    إن تغيب حافظ هواك
    إن جفيت برضك ملاك
    إن جفيت بقول دا وين حياتي وين سائل عليك كل الأنام

    تعليق


    • #32
      الماضي الجميل
      شعر:

      يا حبيب انت للفؤاد كنت دنيا أحلام
      حدسوك عني قالو ليك أيه
      غبت يا روحي واختفيت ليه
      نظرتك لي فيها ترفيه
      إلا من وصلي مانعك التيه
      أرجو أن تظهر كيف تنام انت
      والعيون تسهر باكيه أيام
      السرور انت والفرح والنوح
      انت امالي وانت روح الروح
      كيف تخليني يا حبيب مجروح
      وانت هانئ امين حولك الياسمين
      والزهور ألوان من شمال ويمين
      في الجمال تحكي ثغرك البسام
      لو منام زورني
      قلبي ليك مشتاق
      في لقا الاحباب
      فرحة المشتاق
      لو اراك قربي احكي ليك حبي تعرف إني صحيح
      كان فؤادي جريح والفراق فيهو لينا الآم

      تعليق


      • #33
        همسة حائر
        الشاعر اسماعيل خورشيد

        همسات الزهر في الفرع الرطيب
        وغناء الطير في وقت الغروب
        وانبلاج النور يضوي في الدروب

        كلها حب ونجوى يا حبيبي
        واسمعيني اذ أنادي وأجيبي
        وكفاك الهجر يكفيني شحوبي
        وتعالي يا حياة القلب أوبي

        كم تناجينا وكم عطرت أمسي
        ورشفنا الحب من ليلات أنسي
        واذبت الطهر في خمري وكأسي
        وتناجينا وكاد الليل يمسي

        تعالي اسمعيني منك الحانا شجية
        واسقنيها من دنان الحب كاسات روية

        تعليق


        • #34
          أطياف
          شعر: محاسن رضا

          رب ليل يا حبيبي فيه ضمنا .... ضمنا فيه السمر
          وحديث الحب نجوى بين أضواء القمر ... ......
          وسمونا في هوانا عن بليات البشر .................
          قُدر الحب علينا ... فاستجبنا للقدر .................
          ذكريات في ضميري .... يا لها من ذكريات ....
          لم يعد لي من هوانا ....... غيرها أُنس حياتي ...
          هي أحلامُ غرامي ..... قد بكتها عبراتي .....
          أيها الماضي وداعاً ...... ذقت فيك الطيبات .......
          ليتنا يوم التقينا ........... يا حبيبي ما التقينا ....
          فغدونا نصطلي الحب سعيراً واكتوينا ..........
          وسقانا حبنا خمراً طهوراً فانتشينا ............
          ضاعت الأحلامُ منا ..... فأفقنا وبكينا ..........
          يا حبيبي ................

          تعليق


          • #35
            أحلام
            شعر: اسماعيل حسن:

            أسمر كاللبان لينا يتثنى
            شعره المنساب ليل حين جُنا ..
            ثغره البسام دوما يتغني ..
            إن في عينيه أسرارا وفنا ..
            ومزامير تغني تهدي للعشاق لحنا ..
            ذا حبيبي مثل عطر فاح من ثوب الورود
            ذا حبيبي نفرُ وحين لن يعود
            إنني أهواه لكن آه من ذاك الصدود
            يا حبيبي غنت الدنيا بأحلام شبابي
            ولحونٍ طالما غناها في الفجر ربابي
            وليال حفها الطُهر فولت وعذابي
            إنها ذكرى هوانا يا حبيبي والتصابي
            أيها السمارُ هل عاد حبيبي ؟
            كضياء البدر في الليل الطروب .
            يا رُبى الأزهار في الليل أجيبي
            سأُنادي طول عمري يا حبيبي يا حبيبي .

            تعليق


            • #36
              أرضيت ضميري
              شعر: عبدالرحمن الريح

              أنا أرضيت ضميري بوصال سميري
              أرضيت ضميري بمقابلة
              وكلام رقيق ومجاملة
              وشعور وحسن معاملة
              كان الحبيب جالس قريب
              ومن عرف كم أسكرني طيب
              وأمرضني لون جسموا الرطيب
              مع أني جيت علشان أطيب
              قال لب لازم يا خليل
              رغم الظروف نجلس قليل
              الجو لطيف والدنيا ليل
              والليل نسيموا نقي وعليل
              وجلسنا في وسط الزهور
              في سوح جميل من حولوا نور
              بعد التآنس والسرور
              ودعتو عند الباب بكي
              ومن الفراق دمعوا اشتكى
              يا ربي لا تفرق حبيب

              تعليق


              • #37
                الذوق والجمال
                شعر: اسماعيل خورشيد

                الذوق والجمال والخدود السادة
                أدو قلبي النار حرقوهو زيادة

                الذوق والشعور توجو البحبو
                قالوا لي الزهور تعشقو وتحبو
                هامو العاشقين والكل صار محبو
                يا الهلكته الناس حبك صار عبادة

                قالوا العاشقين للحمام الزاجل
                أنت يا حمام في القريب العاجل
                امشي للحبيب بس أوعك تغازل
                تجرح الملاك الخديدو ساده

                انت يا طيور قولي للازاهر
                العشوقه أنا ديمه ليها مساهر
                والحبيب هناك في صباهو الزاهر
                صدى عني ونام نومة السعادة

                تعليق


                • #38
                  السادة لونه خمري
                  شعر: الطاهر حسن السني

                  السادة لونه خمري قلبي حباك
                  بس ليه جفاني وهجر مكاني
                  لو جاد زماني القاهو تاني
                  وفؤادي صابر زادت شجونو
                  الليلة ما جاء حبيبي ما لو ما جاء

                  جميل وفاتن ويفيض محاسن
                  كالغصن لادن في نفورو شادن
                  جعلتني حائر خمرات عيونو

                  عفافو نادر كالبدر ظاهر
                  مشرق وساحر ..........
                  جعلتني حائر خمرات عيونو

                  تعليق


                  • #39
                    العيد
                    العيد يهنئ العيد بالعودة
                    والتاريخ دايما لنفسو يعيد

                    العيد يهنيكم ببلوغ أمانيك
                    وبلابل الأفراح تنشد أغانيكم
                    تنثر على الأكوان آيات معانيكم
                    في كل فجر روعة بلادنا تزيد
                    أهلا بيوم العيد

                    لا معني للأعياد غير اتصال ووداد
                    فلنبني صرح الود ونحيا كالأمجاد
                    تزهو البلاد بالناس كل ما التكاتف زاد
                    يتبدد الديجور والناس تعيش في حبور
                    ونفرح ليالي العيد

                    أعيادنا في السودان أفراحنا في كل آن
                    هل اغلي للانسان من عزة الأوطان
                    أحبابنا لينا تزور والعيد يزيدنا سرور
                    نحيا ويعود العيد

                    تعليق


                    • #40
                      الميعاد
                      شعر: عبدالرحمن الريح
                      لحن: د. الفاتح الطاهر

                      توعد وتخلف وتنسي ميعادي
                      اشوفك لحظة انسي سهادي
                      انك املي وبيك اسعادي
                      وليه تنسي ميعادي ليه
                      تنسي ميعادي ليه يا هواي
                      وتجف فؤادي وانت مناي
                      ورغم جفاك محال انساك
                      لانك حبي وانا بهواك
                      تنسي ميعاد ميعادي معاك
                      ودنيا الشوق كانت في رجاك
                      ليه صديت وليه ما جيت
                      قصدت بعادي ولا نسيت
                      تنسي ميعادي وتنسي الحب
                      والحب دا سعادة ونشوة قلب
                      قول يا ملاك مين قساك
                      نقول دا الواشي ولا براك
                      ميعادي نساهو ولا سلاه
                      طبعا غايب وعذرو معاه
                      امكن ناسي وامكن قاسي
                      توعد وتخلف وتنسي ميعادي ليه

                      تعليق


                      • #41
                        أنا المعذب بالجمال
                        شعر: عبدالرحمن الريح

                        كيف ألقى راحة مع
                        الحبيب من غير صراحة
                        جمالو عذب مهجتي
                        وذكروا أصبح لهجتي
                        أحاول اشرح غرامي
                        ليهو أشاهد الناس تحن اليهو
                        وكل إنسان يميل عليهو
                        يزيدني رغبة ومحبة فيهو وكل يوم يزداد سماحة
                        أصارحو كيف والناس
                        أمامي يراغبو حركاتي وكلامي
                        يعرفو توليهي وهيامي
                        يا ناس خلوني ابس شجوني لنور عيوني
                        اقابلو بي بسمة وانشراحه
                        وكم في الصراحة راحة

                        تعليق


                        • #42
                          جمالك ربنا يزيدُوه
                          شعر: محمد بشير عتيق

                          جمالك ربنا يزيدُ ونحن نزيد في تأيدُ وتمجيدُ
                          لكي يلهمني تجديدُ واذيع ,في الكون أناشيدُ
                          فيا من تهته في ريدُ أتعلم أن فرع ألبان تعلم منك تأويدُ
                          وأيضا صادح الأغصان أعار من شدو تغريدُ

                          سحر معناك اعجز شرحي تفسيرُ
                          جمال محياك يٌلهب حبي ويثيرُ
                          لحاظك يغري تفسيرُ
                          أنا بقيت في الهوى أسيرُ
                          ظهر في وجهي تأثيرُ
                          كتب علي رجلي كل سيرُ وسرت وقلبي في ايدُ

                          تعليق


                          • #43
                            انصاف
                            شعر: عبدالرحمن الريح

                            يا روحي انصفني في حكمك
                            لأنو قاسي علي أنا يا حبيبي ظلمك
                            بالنسبة لي لطفك والرقة يا فتان
                            ما كنت تظلم من قد أضحي بيك ولهان
                            تتركني للماضي مع أنو في الإمكان
                            نجدد الذكرى وننسى كل الكان
                            هيامي بيك يا فاتن مصدرو الإنصاف
                            أصفت حسنك حب وأنصفت حبي عفاف
                            ذوبت نفسي معاني دقيقة في الأوصاف
                            هومت نفسي خيال في معبدك طواف
                            سكبت روحي على كاس المحبة سلاف
                            هل بعد هذا أكون لسهام نواك أهداف
                            يا حبيبي غرامي تركتو للأيام
                            تركت حب ودموع تركت شوق وهيام
                            عودت نفسي إذا ما اشتدت الألم
                            اصبر علي الحرمان واضحي بالأحلام
                            جنة هواي العذري ندية الانسام
                            تخلي نار الشوق بردا على وسلام

                            تعليق


                            • #44
                              حكاية حب
                              شعر: د. الفاتح الطاهر
                              لحن: د. الفاتح الطاهر

                              اشوفك ديمة جميل
                              كزهرة جوا خميل
                              بين الزهور بتميل
                              بشوفك يا النادي
                              يا الساكن في فؤادي
                              كالبلبل الشادي
                              يا املي ومرادي
                              بشوفك انت براك ومافي حد معاك
                              لانك انت ملاك والقليب حباك
                              وما بعيش لولاك
                              بشوف أمالي فيك والدنيا لي وليك
                              جماله من حوليك سعيد بردد ليك
                              أغاني كلها فيك
                              يا دنيا باركي هواي ما دام حبيبي معاي
                              البهدي ليهو غناي وكل شىء في دنياي
                              ارجوك تتمي مناي وتباركي لي هواي

                              تعليق


                              • #45
                                حيران في الحب
                                شعر: عبدالرحمن الريح

                                حيران في الحب أنا اعشق مين
                                اميل شمال ام اميل
                                أصبحت حائر بين اتنين
                                بين اخضر ساحر العينين
                                وبين اسمر خاطف لونين
                                أقول اهوا دا واترك دا
                                ضميري يقول لي برضو كدا
                                ما دمت تميل طاوعني وميل
                                على كل جميل جمال طبيعي
                                وطبعو رزين .........
                                آآآآآآآآآآآآآآآآه كل واحد ليهو لون
                                وليهو في الاسحار فنون
                                واحد يسحر بالعيون
                                وواحد يجذب الخدود
                                في قلبي الهوي لعب ادوار
                                اعابن هنا اشوف انوار
                                وانظر هنا اجد نوار
                                الدنيا ورود باسمة وازهار
                                جمال مرآها يسر العين

                                تعليق

                                يعمل...
                                X