محمد الحسن ابنعوف «يا دكتور فى شن دكترتك؟»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محمد الحسن ابنعوف «يا دكتور فى شن دكترتك؟»

    يا دكتور فى شن دكترتك؟
    الشاعر محمد الحسن ابنعوف

    يا دكتور

    فى شن دكترتك ؟
    دام ﻻ راي ..

    ﻻ فكرة سويه ..
    وشن ولوك
    يا والى الغفله
    والخرطوم مﻼنه اسيه؟
    جانا السيل
    هدالنا بيوتنا
    غتس حجر البنيه النيه …
    دام الكل شغال بالواسطه
    دغمسه ساهd ومحسوبيه …
    شارع الظلت الحول ماتمه
    ومال الشعب الكلو اتخمه
    شالو اوﻻد اﻻرزقجيه …
    ناس تجميل العاصمه
    تراهن
    مرقو سرارق وكلمنجيه …
    وكل شركات اوﻻدكن تلغف
    نار الوجعة بتوقد حيه…
    والطيارة الجات من بره
    خيمة وسكر وبطانية…
    اشلبوها رفاقتك
    بدري
    واتقسموها شليه شليه .…
    ديرتك
    فيها تﻼته بحور
    خزان شﻼل ومياه جوفيه ..
    ولسع
    فيها الرقدو عطاشه
    أكبر غايتن الحنفيه ..
    ولسه الكارو
    تبيع فى المويه
    بالجركانه
    و بالكوريه ..
    ولسه فى ناس
    بالكهربا تحلم
    داخل عاصمة اﻻلفيه ..
    فى التعليم والصحه
    بﻼوي ..
    يا دكتور الراس الخاوي ..
    من تسعين
    راجين ﻻهسه ..
    قلتو السيخ والطوب
    إتقسى .
    ناس شايفين عمرانكن ضاوي ..
    مستشفانا
    بتبني النمله
    ومستشفاكن ببني الحاوي ..
    وطبعا نحنا وﻻ هميه ..
    التعليم
    يا وجعى عليهو
    درعتوهو هوى السمساره
    وتاكلين أمرو
    على الجوكيه ..
    مدرسه خاصة ..
    بشتنة خاصة ..
    ملعبه خاصة ..
    ﻻ ميدان
    ﻻ حصة مكتبة
    ﻻ فى رياضة وﻻ جمعية ..
    فى أوضتين وبرندة مدارس ..
    فى أوضتين وبرندة كوارس ..
    جيل الغد
    ياسيادة الوالي
    ﻻ تاريخ
    ﻻ عندو هوية ..
    الطابور أحساس بالذات ..
    الطابور تصحيح للفات .
    الطابور
    وإذاعة المدرسه
    يا دكتور
    تكوين شخصيه ..
    دام رصاص عسكورك غنى ..
    كل ما يوم
    قانصلو وليه ..
    اسم الشارع
    ودفع الدية ..
    ماهن تمنك يا عوضية ..
    علبة بوهية
    وخمسه حدايد
    طرف الشارع يا جوكيه ..
    امن نحنا صعاليك ساكت
    وﻻ تحاكمو عساكر الوالي
    وﻻ نجيب التار زنديه ..
    والدستور البدى حصانة ..
    انو رصاص الدوله يغني
    وكل ما يوم
    قانصلو وليه ..
    اﻻ يكون دستور لوليه…
يعمل...
X