بابكر محمد خير «على ما يرام»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «على ما يرام»

    يالسرح فيك عقلى وودر وقام ورا طيفك رحل هام
    ياخى طمنى عليك كتير وقصدى تبقى على مايرام
    يانسايم الليل هاك غناى وشيلى منى تحية وسلام
    امشى لى سيد الزوق هناك ولايهمك جنح الظلام
    للخدودو بتبرق نضار والعيونو بترمى السهام
    للمسايرو وراهو بتميل للمشيهو يحاكى الحمام
    صح بحبك وحبك دخل فى مسارب الروح والعضام
    جاى ليك مكتول فى هواك أفرديلى فى قلبك مقام
    مهما قت انايا ست هواى يا رشيقة العود والقوام
    مابوصف واكمل صفاك يالصفاك نال الإهتمام
    حتى شيخا عاقل وحكيم لو يشوفك راح قعد وقام
    وارتبك من طلة وشيك عندو حق وابدا مو ملام
    ولو رضيتى على كيف اكون أى مناى ألقى الإحترام
    أشرب أسكر من فيض يديك ويبقى سكرى شرابو الغرام
    قسميلى الريد بى شوي رتبيلى الهوى بإنتظام
    حنى وارتى بشيشك على وأضبطى الجرعات بالجرام
    يوم ألاقيك فرحى بيذيد وأبقى فز بى حسن الختام
    يومى داك أعيش فى سرور ويبقى كلو تمام فى تمام
يعمل...
X