بابكر محمد خير «التوفيق السياحي»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «التوفيق السياحي»

    بالسياحى الليلى قايمين وللبلد شايلنا الحنين
    جينا مشتاقين مسافرين كم يقوم البص يا امين
    قالى نوح قايم أسع الحين وفى مقاعدو تروق تستكين
    بصو حجزو قفل من دحين جوا بارد وفريونو زين
    سبعة قام من عند العرين عبدو قال نمشى مبدرين
    ماشى نوح أب طبعا رزين وسايق الموتور السنين
    دوبو عاد أصبحنا آمنين نحمدك رب العالمين
    صرنا متل الناس آدمين وراح قسا الأيام والسنين
    لحظة يالسفار نحنا وين كنا وين وهسه بقينا وين
    وانت وين يالزمن النحس فى أب ضلوع الوحل المغس
    مجرى مجرى النيسان غتس صاجة صاجة مساعديك كبس
    ياخدو من الكفرات نفس والله يرجو الهوا كان كرس
    من طشيش صايبنا الهوس أو مساهر غفى ودقس
    جبرة والخور سيلن حبس وأم جواسير وعرة وتبس
    طل فى دنيانا الحدث وبيهو صار واقعنا انعكس
    نحن ليك يالشريان أمس ونحن بيك فارقنا الوكس
    فوقو نوح متوكل دعس ماب يخاف من عتمة ودمس
    سارى فوق الشريان فرس لاب يجارو عرب لا محس
    أصلو من الأبو اقتبس ومن تعاليم الفن درس
    وزاد رواقة وحنكة وحدث دار تقوم قوم فى بصو بس
    وبى يمينا المحبوب جلس روحو رايقى تزيل العبس
    منو عطر الخمرة انبعث وفوق مناخيرى كشح كبس
    ياخى جود من حنك قبس وياخى ليه حامينا النفس
    فوق عيونو شوية نعس ماب يفوق كان دقو الجرس
    باليمين كتفك لو لمس تسرى فيك نيران جان ومس
    السفر بالبصات حميد والسفر بالتوفيق فريد
    تستريح فى الرحلة وتريد خاصة نحنا اليوم بينا غيد
    جيتو يا ابان طبعا عنيد وسيدى عاد اليوم عندو سيد
    قول وسولف وأضحك شديد وعيد نكاتك مرات وعيد
    وميل علينا وصافينا ميد ولو بتسمح مد لينا ايد
    أصلو نوحنا ده ضارب الهويد بين فيافى وطاويها بيد
    خوفى يوصل قبل استفيد وفى حشاى الأوجاع تزيد
    جا الكبارى هو ياهو الوحيد وفرحو ناس الريف والصعيد
    بالسياحى السفر السعيد جينا مرتاحين بالأكيد
    قرب العجلان والبعيد وصح منافع الناس فى الحديد
يعمل...
X