بابكر محمد خير «الزول»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «الزول»

    الزول المعذب حالى لاعب بى قليبى شليل
    رح قاضى الغرام وشكيتو قال لى ما لقينا دليل
    يا ناس كم بكيت فى دربو يظهر دربو باقى طويل
    إحتر فى حياتى معاهو شوفوا لى عاد حلحيل
    مارق بين خميلو الزاهى سارح ذى جدى الريل
    يتمايل يموج فى مشيهو يتقدل جنس قديل
    متفدع متاكى صبيطو يا خلق الله شايل شيل
    من دفيقو نقط عسلو بس مو راضى منو أشيل
    كونوا لجنة فى تقييموا وخلوه اليميد ويميل
    تكتبوا كم دفاتر فيهوا ومابتوفوه بالتحليل
    كل ما أشوفو زايد صحه يرجع قلبى يبقى عليل
    وكل ما مر هزهز حالو يبده أنا حالى فى البهديل
    أحسب لى كلامى معاهو أضيف لى كلمة مرة ازيل
    وكتين وشو يجهر وشى يتبكم لسانى عديل
    يسألنى ويطول فى سؤالو يكثر بى واجاوبو قليل

    مشتاق لى لقاهو اهاتى يوم جا لقانا صرت بخيل
    أسهد عينى قل مناما نام هوأنا صاحى طول الليل
    راحت من شفاهى البسمة ما أضحك حتى بالكلكيل
    إن كان الزمان ظالمنى ساقينى الالم والويل
    متيقن دوام يا خلى صابر وفيك صبرى جميل
يعمل...
X