بابكر محمد خير «يا قمرة»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «يا قمرة»

    ياقمرة صبى السنسنى الحمرة شوفى جناى انا الراجاهو كل صباح
    بت عبدون وليدك اصلو حالو بره
    هوماقدر دوافعو وماقدر عبره
    وماكان يعرف انو الغربة حار جمره
    فقد حريتو ضمة وروحو زاد اسره
    وهو متعمعم شقاهو وصبرو ساوى وشاح
    عاد فى الغربة يمة الناس دوام حذره
    خايفا من احتيالات كافلا وغدرا
    خاتى هى احتمالات سجنها وسفرا
    تب مو عارفى ذاتو متين يقع قدرا
    وسعيد الدنيا يمرق بى شوية أرباح
    ياما فيها ناس الهم شديد عصرا
    فيها دروب أمانى كتير هو نان كترا
    وحدين فى دوامين غرقوا فد مرة
    وناسا يومى تكسب وتملا فى صررا
    وحدين بس ينوموا وياكلوا فى التفاح
    وليدك يمة ولهان ولى حبيبتو طرا
    هو اتغرب وحاتك شان يجيب مهرا
    وشان يسعد حياتو وحالو ينسره
    كايس النوق حمر كل الصعاب قهره
    لكن لسه فجر آمالو مابان لاح
    ليل الغربة يمة صباحو عن ضهرا
    خلقا نايمى عزة نوما فى عشره
    والساعات بقت دايرالا كم دورة
    لاكت شهرزاد لى حديثا كم مرة
    ولانص النهار بيكون كلاما مباح
    الشوق للبلد لى جواهرا ودررا
    الشوق للصمودة القايمى فى فجرا
    الشوق للحسيناب صادقا وعمرا
    الشوق لى شيوخا الذللت امرا
    والشوق لى دوى طاراتا والمداح
    مشتاق لى بنيتا واردى فى عصرا
    مشتاق لى نقاوتا عفتا وطهرا
    مشتاق لى معاذ لى سامى و السارا
    مشتاق يمة ليك شوقا كتير كترا
    ومشتاق لى قرص ساوالو انت ملاح
    مشتاق للسواقى العامرى بى خيرا
    مشتاق لى مريقا وقنقرا وصورا
    مشتاق لى تقاتا الزينت صدرا
    بلد مافيها زول عيش بيتو فى ندرا
    لو مارجعنا ليها نفوسنا ماب ترتاح
يعمل...
X