بابكر محمد خير «مباركة»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «مباركة»

    طباك الفرح جاك رك قوم قد الفقر في عينو
    ذي قارب السباق انفك بي قوة حصان توربينو
    قوم زور يالحبيب مكة في عهدا يتم تدشينو
    بالخاطر تطيب السكة جرس الفرحة دق رنينو
    كت زعلان عليك في بكاكا والزول ما يباري قرينو
    لكن الظروف جابراكا ما كان وكتو تنسي حنينو
    الاصحاب يلوموا فيك قالو الزول ده خلا كنينو
    ناسين انو هي الناساكا والعابرات معاها يدينو
    سويتن جواهر لامعه فوق صدر الزمان بيزينو
    مطبوعات معاك بي طابعة عنوان للعزاب وطحينو
    فكر في الزواج وهمومو بي حلو وشقاهو وشينو
    كبر للحبيب في كومو زين العشرة بينك وبينو
    هي الدنيا ام قدود شن فيها غير الزول يفوت بي زينو
    يتامل يكافح تيها يعمل لي رضي والدينو
    العاقل البداري خطاهو في ريدو بيزيد تحصينو
    والزول البفوتو مداهو يجني شقاهو بي ايدينو
    لات فك الحزام من خيلك شدو اكربو تحت ابطينو
    غوص تلقي الحلل في نيلك والعاجز زمانو يهينو
يعمل...
X