بابكر محمد خير «الزين»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «الزين»

    ياحلاتو الزين حين ظهر وتلا بي ايدينو ودفر
    استباح الدارة وختر خلا قلبي انا طار فره فر
    زولي بين سيلو انهمر وانبهل شلالوا انحدر
    حكمة جات من حكم الدهر وفلته غايبي لفاها القدر
    لونو خاتف لون الزهر ده الفريد في عصرو اعتبر
    شال صفات اندادو وحصر ولم كل الحلا واحتكر
    غالي مو مسيوم بالدرر فوق مقامو وعالي المهر
    توجنو بنات البحر فوق غرايمو المرسوم صدر
    في كلامو الدر الندر ونستو بين السر والجهر
    يمشي مشية صيدا فتر تاه مع الغزلان في الصحر
    عجزوا كالقيساب التبر كفلو يمشي يزوزي ينتر
    خصرو مجووع قلا وضمر صدرو ناشري مدافعو الخطر
    جيدو طينتو قزاز ما انكسر فوقنا شتت طيبو ونثر
    ده البراطمو تزيد الوطر والسنون كالبرد المطر
    وجهو صاب الواقفين جهر ونظرو صافي يباهي النظر
    خدو ضوي الساحة وبهر والعيون نيشانا سنتر
    شد لي نشابو الوتر واستعد وصرع البشر
    من جبينو يبين القمر وبي قفاهو الليل بالشعر
    ضمو ضم بيزين السهر ونضمو يفني الهم والكدر
    جيت قدام بيتو انتظر وفي رجاهو انا بقعد شهر
    قولي يا اب رنات الخبر وجيب علي اوصافي بلا حزر
    زولي كل القت فيهو صر ماهو زي مصيوب مودر
    زول رقيق في حسنو اسمر الا برضو عنيد ان غدر
يعمل...
X