بابكر محمد خير «شوق»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بابكر محمد خير «شوق»

    حاولت أنساك مانسيت ورجعت أفتش فيك وين
    كم كست ذيك مالقيت جيت تانى سايقنى الحنين
    عانيت فيك املى القبيل ختيت عميرى وراك رهين
    ياغالى ياحبى الاصيل ياروعة العشق الرزين
    ********
    أنا من زمان حابك براك أبدا معاك ما كان قرين
    بهواك وإتنفس هواك وأنا بى هواك عش مستعين
    وأسع قسمتى أنا فى سواك بطراك كل ماجانى شين
    بطراك وأحلم بى لقاك بس نان لقاك يكون متين
    بطراك فى أطول طريق ماشيبو كلو أسى وأنين
    لاهبنى فى الجوف الحريق وأعيانى مشوار سكتين
    والله غيرك ماب اطيق لاكنى مكتوف الإيدين
    فى لجة أصارع كالغريق حبل النجاة بين قاربين
    ********
    متمنى احقق إنتصار لو مرة فى زمنى اللعين
    من زرعى يوم أقطف ثمار وأضوق حياة العاشقين
    إخترت ام جا الإختيار قررت واصبح فرض عين
    أدفع ثمن ذاك القرار وأرضخ على الحال الحزين
    ********
    سوقنى يا أعلام الغيوب ودنى لى عهدا مكين
    أنا زول أضاعتنى الحروب وسلب قواى مكر السنين
    لكنى ماعدتت الهروب ولا يوم قعدت أنا مستكين
    انا ياصباح حبى الطروب راجيك تبين من حين لى حين
يعمل...
X