محمد وردي «كلمات الأغاني»

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • محمد وردي «كلمات الأغاني»

    يا سلام منك
    كلمات : اسماعيل حسن

    يا سلام منك أنا آه
    يا سلام ..ياسلام
    العيون فيها سهام
    والكلام فيهو كلام
    في حديثك
    في ابتسامتك
    زينة يا أحلى غرام

    لديارك جيت يا روحي ليك أزور
    ومن كلام الناس والله قد ضاع السرور
    في إيدية
    ليك هدية
    سامحيني
    واعذريني
    واقبليها يا بدور

    العواذل قالو ليك
    قالو إيه
    قالو بحب
    والله إنتي وبس
    إنتي في قلب المحب
    هددوني
    ألموني
    عذبوني
    بدلوني الفرحة نار وهيام يوم الغرام

    إنتي لونك
    وإنتي طبعك
    هادي ما فيهو البشين
    تشبهي الفل في الجناين
    حتى عطرك ياسمين
    ربي يعلم
    كم قلبي مغرم
    إنت ترحم
    بين ضلوعي النار تقيد
    دا حرام والله حرام

  • #2
    سيمو ده أيه الجمال والروعة دي دا أنا بطرب وبشدة للموسيقار والأستاذ محمد وردي وياريت كلمات أغنية صدفة

    تعليق


    • #3
      انت الرائع يا تندلقي
      هاك الاغنية

      صدفة
      ـــــــــــ
      صدفه

      صدفة وأجمل صدفة انا يوم لاقيتا
      أسعد يوم يومي الحييتا
      نور عينية ياما حبيتا

      النظرات بريئة وممزوجة بخجل
      البسمات تضوي زي نور الأمل
      وجهك بين مسايرك زي بدر اكتمل
      والشامة في خديدك زي طعم القبل
      تسكر قلبي وتشعل حبي يشهد ربي انا بهواك

      ما قادر اقولك عن حبي الكبير
      وصفو علي قاسي وعايش في الضمير
      قدر الكون دا كلو حبي واكبر بي كتير
      مالكني محيرني شوف قلبي الأسير
      اسألي قلبك يمكن يقدر يشرح حبي أنا محتار

      صدفة عيوني شافت ليلي الباكي نور
      يا أيام ربيعي عمري معاكي أزهر
      فيها الطير يغني ومن الحاني يسكر
      عمري فراشة حولك وانت شبابك أخضر
      ياما بحبك وبعبد حبك علشان حبك روحي فداك




      تعليق


      • #4
        يا اعز الناس
        كلمات : اسحق الحلنقي


        يا أعز الناس حبايبك نحن
        زدنا قليل حنان
        دا العمر زادت غلاوتو معاك
        وصالحني الزمان
        يا أحن الناس حنان
        كنت من قبلك
        بشيل الليل دموع
        واطويه هم
        انا كنت بخشى
        على الأماني الطفلة
        يفنيها العدم
        وجيت لقيتك بين قلبي دموع
        وغنيتك نغم
        يا حبيب
        ورد الأماني
        الفي أعماقي فتّح
        وابتدا القلب
        العاش العمر في آهاتو
        يفرح
        والزمن ماظنو بعدك إنت
        يرجع تاني يجرح
        نامت أحزان عمري
        غنى زماني
        واتلاشت صعاب
        أنا قبلك الأيام
        قضيتا سراب
        يسلمني السراب
        وبيك طويت من عمري
        صفحة ماضي مكتوب بالعذاب

        تعليق


        • #5
          غلطة
          كلمات : اسماعيل حسن

          قاسي قلبك علي ليه
          قسى قلبك علي ليه
          لو بحب يبقى ذنبي ايه
          قلبي توب ..
          توب من عواطفك
          ايه نهاية حبه ايه

          غلطة كانت غرامي ليك
          وا خسارة دموعي فيك
          غلطة قلبي سلمتو ليك
          ما كان مكانو وما كان يجيك
          يوم لقيتك علي ما كان يوم يا مبدل شجوني هوى
          عني ايه قالو عني ايه

          كنت تايه وكنت غريب
          وانا افتكرتك اعز حبيب
          ياما قلبي يخطا ويصيب
          والعذاب لي كان نصيب
          من عرفتك جفاني حتى النوم يا مبدل شجوني هوى
          انت حبك جنيت عليه

          كن طلعت القمرة وجيت
          ولو حلفت برب البيت
          ما بريدك ..
          ما بريدك مهما بقيت غلطة كانت وكان ابيت
          يا الفراقك علي كان مكتوب يا مبدل شقاي انا
          انت حبك جنيت عليه

          تعليق


          • #6
            المرسال
            كلمات : محمد علي ابو قطاطي
            مسكين البدا يأمل
            أملو يغلبو تحقيقه
            والعاشقة جفا المعشوق
            الليلة وا سهرو ونشاف ريقو

            امش قول ليهو ياالمرسال
            عساه يراعي ملهوفو
            حبيبك و بي وراك
            جارت عليهو وخانتو ظروفو
            فقد صبرو شرد نومو
            لهيب الشوق خنق جوفو
            نحول جسمو شحوب لونو
            براك أحسن تعال شوفو
            مسكين .. مسكين

            براي السويتا في نفسي
            قلبي الحب ما واعي
            عشق زولا مجافيهو
            وما كان للحصل داعي
            اقول اتناسي حبو يزيد
            تزيد بالتالي أوجاعي
            طريق الحب مشيت فيهو
            تعذر تاني ارجاعي
            مسكين .. مسكين

            خطاباتي البوديها
            تقول لا بتمشي لا حاجة
            وديت ليهو زول مرسال
            والمرسال مشى وما جا
            بقيت انا والنجوم بالليل
            سوا نساهر ونتناجى
            والناس اللي كانو سبب
            رموني وبقو فراجة
            مسكين .. مسكين


            التعديل الأخير تم بواسطة سايمون; 06-18-2010, 01:51 PM.

            تعليق


            • #7
              الهوي الاول
              كلمات : الجيلي عبد المنعم

              أخادع نفسي بي حبك وامنيها
              واهرب حتى من ذكراك
              والاقيها
              دموع الحسرة في عينية اخفيها
              نار الشوق اقول الصبر يطفيها

              اقول انساك وانسى شقاي لو قادر
              وطول الغربة والحرمان بلا آخر
              اسيبك كيف وانت الناهي والآمر
              وكيف اصبر وعارف نفسي ما صابر

              شبابي معاك ما أضيع امانيه
              وعمر هواك ما أقصر لياليه
              رضيت بي ظلمو أحياه أقاسيه
              ولو خلاني ما بقدر اخليه

              تخاصم وتفتكر إحساسي اتبدل
              وقايل قلبي مال لي سواك واتحول
              وحاة ريدتنا وحياة الهوى الأول
              بنرجع تاني لو زاد الجفا وطول



              التعديل الأخير تم بواسطة سايمون; 06-18-2010, 01:51 PM.

              تعليق


              • #8
                الحنية
                كلمات : اسماعيل حسن
                ياما دربك كنت بفرشو ورد وحنية واماني
                ياما عهدك صنتو وما خنت وكام ليك حناني
                ياما من ليلي ونهاري ودمعي بنسج لك أغاني
                وكل كلمة من غناي فيها من حبك معاني
                إن نئيت برجاك
                وان نسيت بطراك
                وان قسيت بهواك

                جيت اعاتبك واشتكيلك واشرح الحب من بدايتو
                قلب خادع مافي رافع بس عليك تسمع حكايتو
                انت حاكمو وانت مالكو وانت في ايدك وصايتو
                انت لو حكمت قلبك ما اظن ترضى بنهايتو
                العهود صونوها
                اوعو لا تخونوها
                دا حرام تنسوها

                تبقى جنبي وننسى كل الدنيا نغرق في الأماني
                واشتكيلك يا حبيبي منك انت ومن زماني
                في غيابك ياما ليل الغربة بالآلام رماني
                ابقى عيني وابقي روحي وابقي قلبي يا حناني
                يا أمل يا لطفي يا حنية وينك من عيوني
                لو تعود وتجيني
                القى فيك حنيني
                وانسى بيك انيني

                ابتساماتك ربيع دنياي ياما عشت فيها
                فتحت في دربي أشواق الليالي البشتهيها
                دي السعادة المن زمان بسأل عليها
                بكياني بشبابي بحياتي افتديها
                الإله يرعانا
                هدا الغرام ضمانا
                ونحن ما أحلانا

                لو بكاي هماك
                لو شقاي هماك
                ما كنت يوم
                فارقتني
                خاصمتني
                عذبتني


                تعليق


                • #9
                  اقابلك
                  كلمات : اسحق الحلنقي
                  اقابلك في زمن ماشي
                  وزمن جاي و زمن لسه
                  اشوف الماضي فيك باكر
                  اريت باكر يكون هسه

                  ***

                  و قصر طول مشاويرنا
                  ورقش بالفرح جلسة
                  على النيل والقمر
                  مرات يبين في الموج ويدسه
                  ونحن نقابلو
                  زي طفلين كلامم كلو بالهمسة
                  وزي عصفورة قلبها دابو
                  حنة وبالولف حسّ

                  ***

                  اي عيون بتتقبل
                  الا عنيك ما بتتفات
                  في عنيك بتوه
                  كيفن حلاوة البسمة في القاسيات
                  وعطر الصندل المستني
                  يفرح بيك فرحتو جات
                  وحاتك خلي منو شوية
                  عشان يتكاحلن منو السمحات

                  ***

                  بلاك النجمة لا بتتعلا
                  لا بتتدلاّ فوقه هلال
                  عليك الريده طلي علينا
                  يالختينا فيك آمال
                  تجينا فرح ترفرفي فوقنا
                  نستناك بالموال
                  والشوق بيني وبينك انتي
                  زي ما تقول مطر اهطال


                  تعليق


                  • #10
                    سايمون والله الزوق عندك شئ ابو السيد وابو الورود عجييييييييييييب
                    وياريت ولو نزلت لى ( لو بهمسة) واتخيل لى فى اغنية
                    لوردى ايضا اسمها ( مافى داعى تقولى مافى داعى) فان وجدت
                    عليك انزالها واكن لك شاكرا مقدما



                    ------------------------------------------
                    يا سليم الزوق والاصل

                    تعليق


                    • #11
                      فادي
                      سلامات
                      الزوق لقيناها منكم يا راجل
                      هاك الاغنية

                      لو بهمسه
                      لو بهمسة لو ببسمة قول احبك
                      لو بنظرة حتى عابرة قول احبك
                      لو بتحلم في منامك قول احبك
                      لو ترسل لي سلامك قول احبك
                      يا حبيبي
                      وكل كلمة من شفايفك احلى غنوة
                      كل نظرة من عيونك فيها سلمى
                      كل نسمة من ديارك فيها نجمة
                      وكل همسه يا حبيبي عندي حلوة
                      ياحبيبي
                      عمري كلو اهديتو لى حبك
                      يا حبيبي
                      انت عارف والغرام يشهد بيهو ربك
                      يا بدوري في الظلام والظلام يحجب لي دربك
                      ناري بعدك والحنان والجنة قربك
                      يا حبيبي
                      والزهور الحلوة تتفتح في قلبك
                      انت عارف انا يا روحي بحبك
                      يا حبيبي
                      خوفي منك خوفي تنساني وتنساها الليالي
                      يا حبيبي انا خايف ياما بعدك انسى حالي
                      ابقا تايه والغرام يصبح حكاية
                      والاماني الحلوة دي الكانت بداية
                      تبقا اشواك في طريقي في النهاية
                      يا حبيبي
                      التعديل الأخير تم بواسطة سايمون; 06-25-2010, 11:30 PM.

                      تعليق


                      • #12
                        شكراً كثيرا ومترعاُ ككلمات وردى سايمون

                        تعليق


                        • #13

                          الناس القيافة للشاعر محمد على ابوقطاطى
                          في الناس القيافة حبينا اللطافة
                          في دروب المحبة فتنا بعيد مسافة

                          شفنا خدود نديه جذابة وهنيه
                          شاقتنا ابتسامة وطلعة ملائكية
                          الوجنات بتشبه ازهار موسمية
                          والخصر المضمر والخامة الطرية

                          شفنا عيون كحيلة فتانه وجميلة
                          تعبانين نراها ونجري سنين طويلة
                          لا خلينا ريده ولا بكينا حيلة
                          نطمع في لقاها وغالبانا الوسيلة

                          نظراتا كاتلانا وبرموشا اسرانا
                          حبيناها نحن ودرنا الموت برانا
                          كم نحن الحبايب منتظرين حنانا
                          الارواح تشابي وتتلهف عشانا

                          تعليق


                          • #14
                            اخـــادع نفسى بى حبك

                            أخادع نفسي بي حبك وامنيها
                            واهرب حتى من ذكراك
                            الاقيها
                            دموع الحسرة في عينية اخفيها
                            نار الشوق اقول الصبر يطفيها

                            اقول انساك وانسى شقاي لو قادر
                            وطول الغربة والحرمان بلا آخر
                            اسيبك كيف وانت الناهي والآمر
                            وكيف اصبر وعارف نفسي ما صابر

                            شبابي معاك ما أضيع امانيه
                            وعمر هواك ما أقصر لياليه
                            رضيت بي ظلمو أحياه أقاسيه
                            ولو خلاني ما بقدر اخليه

                            تخاصم وتفتكر إحساسي اتبدل
                            وقايل قلبي مال لي سواك واتحول
                            وحاة ريدتنا وحياة الهوى الأول
                            بنرجع تاني لو زاد الجفا وطول

                            تعليق


                            • #15
                              اخـــادع نفسى بى حبك
                              للشاعر الجيلى عبد المعنم عباس
                              أخادع نفسي بي حبك وامنيها
                              واهرب حتى من ذكراك
                              الاقيها
                              دموع الحسرة في عينية اخفيها
                              نار الشوق اقول الصبر يطفيها

                              اقول انساك وانسى شقاي لو قادر
                              وطول الغربة والحرمان بلا آخر
                              اسيبك كيف وانت الناهي والآمر
                              وكيف اصبر وعارف نفسي ما صابر

                              شبابي معاك ما أضيع امانيه
                              وعمر هواك ما أقصر لياليه
                              رضيت بي ظلمو أحياه أقاسيه
                              ولو خلاني ما بقدر اخليه

                              تخاصم وتفتكر إحساسي اتبدل
                              وقايل قلبي مال لي سواك واتحول
                              وحاة ريدتنا وحياة الهوى الأول
                              بنرجع تاني لو زاد الجفا وطول
                              التعديل الأخير تم بواسطة ; 08-01-2010, 05:00 AM.

                              تعليق

                              يعمل...
                              X