عبدالرحمن الريح «سعادتي مؤكدة»

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عبدالرحمن الريح «سعادتي مؤكدة»

    أنا بيك سعادتي مؤكدة
    وبلاك حياتي منكدة
    حرام عليك يا جميل
    ما صح عليك تعمل كدا

    يا من محاسنك بقلوب
    عاشقين مستفردة
    خليتني أشكو من الغرام
    وأقول حقائق مفردة
    وأقول حبيبي عمل عدوي
    خلاني لي الأذى و الردى
    ما عندي مانع حتى لو
    ضيعني ساكن الموردة

    أنا بمحاسنك بفتخر
    وانت المحاسن سيدا
    يومي الأشوفك يبقى عيد
    والدنيا تبقى معيدة
    البدر إن شافك يزول
    من الأنوار الجيدة
    أما الشمس لو شافتك
    ترجع أسيرة مقيدة

    أنا طرفي شايفك يا جميل
    أخد اللجين العسجدة
    مهما أعاين في الشباب
    وين ذي محاسنك أوجدا
    قبال أراك أنا كنت في
    أيام جميلة مبجدة
    متى روحي من بعدالعذاب
    تشفق عليها وتنجدا

    بقا عقلي مشغول بالوصال
    وأفكاري ديمه مهودة
    خايفك تحرض يوم لقائي
    وأيام عذابي تزودا
    بالنفرة والجفا والصدود
    مسلتا غزلان الودا
    نفسك على الجور والبعاد
    والعزلة اوعه تعاودا

    يا من على حرب العشوق
    لحظك جيوشه مجندة
    وقامتك تطيبك كأنها
    مخلوقة من قطر الندى
    والحكمة في كونك بخيل
    واهلك أرابيب الندى
    أصلك بتدلل علىّ
    ولاّ الحكاية معاندة




    لِن أغيّــر مَــن نفسـِـي
    لأجٍـل أي شخـِص
    ولـن أعبِــث بشخِصيتـي لآرضّي الاخريـِن
    أنَ لِـم تعِجبـك شخصيتـي!!
    ليِست مشكّلتــي فغـِــيرك يعشقهــَــا..

يعمل...
X