تويت
«مقاطع ليست للبوح»
ما إتعودت إسمع منك
غير الكلمة الطيبة وسمحة
وما إتعودت أشوف في خدك
غير البسمة الضاوية جبينك
أيه الخلى صفاك يتحول
وأيه البدل مني عيونك
زمانك قلت إنك وردة ونادر لونك
وبيني وبينك خطوط متوازية
محال تتلاقي خطاوي الفرحة
وكيف من دونك
بتبقي حياتي الصافية رتيبة
لما تعاتبي ولومي يلومك
ويا مريودة أنا مسكونك
وبين الألفة وخطاوي الريدة
قصة شوق تحكيها عيونك
أنا مسكونك
وفي أهدابك مراسى الوعد
التايه ديمة في سكة اليمة
شايلة همومك
أنا مسكونك
فضلت أتاوق خلف الغيمة
مستني شذاك ينداح في الساحة
يطيب خاطري العانى شجونك
ودعاش الفرحة الغائب طول
يعاود تاني شوارع الإلفة
ويبقى عزانا في إنك وردة
ونادر لونك ويا مريودة
أنا مسكونك