تويت
قودي .. وما تنقادي
قودي وما تنقادي
ساكن فيكي وساكنه فؤادي
يا الرايعه وحلوه بلادي
بحبك فطره من ميلادي
عشق المَرْوي وصادي
قربك فيهو اسعادي
وبُعدك نار سامه اجسادِ
العاداكِ ليهو بعادي
واحب الناس الحابه بلادي
ديل الماشه في اورادي
احب الصادحه فيك شوادي
واحب احضانك ليهم فاردِي
احبك قلباً ابيض نادي
واحبك لوناً ابيض سمره
وحالكه سوادي
واحب البينهم ماخدو فؤادي
دَلِك روعه فيهو تمادي
حبيت لهجاتك وردتك ضادِ
انت في عمري طبيعي سمادِ
فيك أصحابي وفيك اندادي
وشوق الطَول عنك غادي
احبك عزه نعمات وهنادي
واحبك سلمى وسالمه مِهادِ
حلوه وزَينه بناتها بلادي
فيهن حسنك رايح وغادي
ماشه وضاحكة غوادي
الشافن نارو مُحال إخمادِ
بيهن قلبي مُوَلْه انادي
بات متوجع في تنهادِ
في مشيك انت اتهادي
احرسك الله الهادي
جمالك زين بلا ميعادِ
طبيعي ومو مصنوع نِجَادِ
لونك ماخد عقلي شِرادي
وجّع قلبي زادو سهادي
بس لحظك ليهو ضِمادِ
عليك اعتدت وعليّ معتادِ
أفرحي ما تتشاحي سوادِ
قودي وما تنقادي
وفِكي غيرك من الاصفادِ
***
جمالك زين ها الوماضِ
تشوفو العين ولو إغماضِ
طبيعي وعفوي حار نَجّاضِ
ماخداني في حضنك وقلبك راضي
شوقي الليك فاض فَياضِ
انت الدنيا حقيقة ما افراضِ
وانت المنية بلا أغراضِ
وجهك باشي بلا إعراضِ
انت الحاضر وانت الماضي
والطفل الجايي من المخاضِ
انت الارض أجملها اراضي
وانت القلب الفينا نِباضِ
عالية ولي الجناح إخفاضِ
فيك خصامنا وانتِ القاضي
عقلك زينك ماهو فاضي
عقلك زينك ما الفضفاضِ
بنرجع ليك متشابكة ايادي
قودي انت وما تنقادي
تسلمي لينا من الحسادِ
يا حلمي وغايتو مرادي
احبك غابه وصحرا ووادي
قودي وما تنقادي
ساكن فيكي وساكنه فؤادي
يا الرايعه وحلوه بلادي
بحبك فطره من ميلادي
عشق المَرْوي وصادي
قربك فيهو اسعادي
وبُعدك نار سامه اجسادِ
العاداكِ ليهو بعادي
واحب الناس الحابه بلادي
ديل الماشه في اورادي
احب الصادحه فيك شوادي
واحب احضانك ليهم فاردِي
احبك قلباً ابيض نادي
واحبك لوناً ابيض سمره
وحالكه سوادي
واحب البينهم ماخدو فؤادي
دَلِك روعه فيهو تمادي
حبيت لهجاتك وردتك ضادِ
انت في عمري طبيعي سمادِ
فيك أصحابي وفيك اندادي
وشوق الطَول عنك غادي
احبك عزه نعمات وهنادي
واحبك سلمى وسالمه مِهادِ
حلوه وزَينه بناتها بلادي
فيهن حسنك رايح وغادي
ماشه وضاحكة غوادي
الشافن نارو مُحال إخمادِ
بيهن قلبي مُوَلْه انادي
بات متوجع في تنهادِ
في مشيك انت اتهادي
احرسك الله الهادي
جمالك زين بلا ميعادِ
طبيعي ومو مصنوع نِجَادِ
لونك ماخد عقلي شِرادي
وجّع قلبي زادو سهادي
بس لحظك ليهو ضِمادِ
عليك اعتدت وعليّ معتادِ
أفرحي ما تتشاحي سوادِ
قودي وما تنقادي
وفِكي غيرك من الاصفادِ
***
جمالك زين ها الوماضِ
تشوفو العين ولو إغماضِ
طبيعي وعفوي حار نَجّاضِ
ماخداني في حضنك وقلبك راضي
شوقي الليك فاض فَياضِ
انت الدنيا حقيقة ما افراضِ
وانت المنية بلا أغراضِ
وجهك باشي بلا إعراضِ
انت الحاضر وانت الماضي
والطفل الجايي من المخاضِ
انت الارض أجملها اراضي
وانت القلب الفينا نِباضِ
عالية ولي الجناح إخفاضِ
فيك خصامنا وانتِ القاضي
عقلك زينك ماهو فاضي
عقلك زينك ما الفضفاضِ
بنرجع ليك متشابكة ايادي
قودي انت وما تنقادي
تسلمي لينا من الحسادِ
يا حلمي وغايتو مرادي
احبك غابه وصحرا ووادي