تويت
إسماعيل حسن «اشتقت ليك»
كلمات: إسماعيل حسن
لحن: حسن بابكر
غناء: محمـد مـيرغــــني
اشتقت ليك ساعة المسا فرد الجناح
لملم مصابيح النهار وكل شي صبح لون الجراح
والعتمة نامت في الدروب
والليل لبس أجمل وشاح
في اللحظه ديك احتجت ليك اشتقت ليك
شوق اليتيم غلبو البكا .. والعبرة سدّت في الحلق
لامن شرق بي حزنو واحزني اتكا
فوق الجرح والقلب في الأعماق بكا
في اللحظه ديك اشتقت ليك وبقيت أهاتي بيك
وعرفت كيف حال الغريب القالوا سافر لي بلاداً
قالوا بي خلف القمر
من كم سنه سرج النياق في ليل وحاتك دون خبر
من يومو داك أصبح زوال ولا كلمه عنو ولا أثر
درويش وسادر في القدر لا زاد ولا رفقة حبيب
في اللحظه ديك فتشت في كل الدروب كايس دريبا
حتى إن صبح زي الصراط يجمعني بيك
أتصوري حال الغريب والناس بتسأل
عن بلاداً أصلو ما معروفه وين
يا كبدي لي زولاً غريب حضن الأسى عبر السنين
في اللحظه ديك كل شيء ودر
حسيت حشاي مشدود على شوك الكتر
وكان المسا واحزني ساعة ما وصل
كل شيء شرب لون النزيف
حتى السحابه الراحله في جوف الشتا
عطشانه تحلم بالخريف!!
ما قادره تزرف للدموع .. اتصوري حتى البكا أصبح حرام
والدمعة يبست في الحشا .. اتصوري بس حالي كيف
حتى العيون زي عين جعان ساعة نشوف أجمل قمر
تتشره في المصران رغيف
ما برضو زي زولاً صبح وحداني في قلب الرصيف
يرسم خطوط في الرمله والريح اليولول في البحر قاسي وعنيف
في الساعة ديك وفي اللحظة ديك مديت
معابر شوقي ليك وحنين حنيني الطاغي ليك
كايس اجيك وداير مجيك وبقيت ضعيف
واقف على درب الأسى عطشان وكايس لي زاد
وكل الزرعتو مع السنين ساعة الحصاد أكلو الجراد
وفضلتي إنتِ هناك بعيده مع البعاد
وحدك هناك عبر المدى ما سامعه صيحات اليتيم
بيموت وحيد في الضلمه زي موت الصدى
وبقيتي إنتِ هناك براك
زي الفنار الواقفه في قلب الغريق .. عبر المدى
وأنا البعيد غرقان وبحتل حته حته بلا هدى
وفي اللحظة ديك اشتقت ليك واحتجت ليك
لحن: حسن بابكر
غناء: محمـد مـيرغــــني
اشتقت ليك ساعة المسا فرد الجناح
لملم مصابيح النهار وكل شي صبح لون الجراح
والعتمة نامت في الدروب
والليل لبس أجمل وشاح
في اللحظه ديك احتجت ليك اشتقت ليك
شوق اليتيم غلبو البكا .. والعبرة سدّت في الحلق
لامن شرق بي حزنو واحزني اتكا
فوق الجرح والقلب في الأعماق بكا
في اللحظه ديك اشتقت ليك وبقيت أهاتي بيك
وعرفت كيف حال الغريب القالوا سافر لي بلاداً
قالوا بي خلف القمر
من كم سنه سرج النياق في ليل وحاتك دون خبر
من يومو داك أصبح زوال ولا كلمه عنو ولا أثر
درويش وسادر في القدر لا زاد ولا رفقة حبيب
في اللحظه ديك فتشت في كل الدروب كايس دريبا
حتى إن صبح زي الصراط يجمعني بيك
أتصوري حال الغريب والناس بتسأل
عن بلاداً أصلو ما معروفه وين
يا كبدي لي زولاً غريب حضن الأسى عبر السنين
في اللحظه ديك كل شيء ودر
حسيت حشاي مشدود على شوك الكتر
وكان المسا واحزني ساعة ما وصل
كل شيء شرب لون النزيف
حتى السحابه الراحله في جوف الشتا
عطشانه تحلم بالخريف!!
ما قادره تزرف للدموع .. اتصوري حتى البكا أصبح حرام
والدمعة يبست في الحشا .. اتصوري بس حالي كيف
حتى العيون زي عين جعان ساعة نشوف أجمل قمر
تتشره في المصران رغيف
ما برضو زي زولاً صبح وحداني في قلب الرصيف
يرسم خطوط في الرمله والريح اليولول في البحر قاسي وعنيف
في الساعة ديك وفي اللحظة ديك مديت
معابر شوقي ليك وحنين حنيني الطاغي ليك
كايس اجيك وداير مجيك وبقيت ضعيف
واقف على درب الأسى عطشان وكايس لي زاد
وكل الزرعتو مع السنين ساعة الحصاد أكلو الجراد
وفضلتي إنتِ هناك بعيده مع البعاد
وحدك هناك عبر المدى ما سامعه صيحات اليتيم
بيموت وحيد في الضلمه زي موت الصدى
وبقيتي إنتِ هناك براك
زي الفنار الواقفه في قلب الغريق .. عبر المدى
وأنا البعيد غرقان وبحتل حته حته بلا هدى
وفي اللحظة ديك اشتقت ليك واحتجت ليك