وفاء قاسم « احساسي بيك »

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وفاء قاسم « احساسي بيك »


    من ذكرى الوجود
    ************
    إحساسي بيك فات الخيال
    خلاني ولهانة بعينيك
    أنا من زمان سائل عليك
    والقسمة ما لمتني بيك
    راحت سنين من عمري
    وكل اللي كان ما قلتو ليك
    شلت الصبر لمن شكى
    وانا لسة بس عشمانة فيك
    دايراك تشيل حملي التقيل
    وتقولي انسي وما عليك
    وافرح معاك فرحا كتير
    وكأني بس مولودة ليك
    وامرح معاك مرح الجهال
    وتشيلني زي طفلة في ايديك
    واضحك ولمن اقول كفى
    وتضحك معاي انا وجنتيك
    كل المشاعر خالصة ليك
    حتي العمر انا عافية ليك
    دايراك لي مخلص امين
    تلقاني صادقة وفية ليك
    والله راجياك بي حنين
    يعم الدنيا ويكفيك
    حِني الدفين ال داسة ليك
    يوماتي منو انا بسقيك
    نشرب سوا شرب العطاشى
    ومن دمي ذاتو انا برويك
    ما بتندم معاي باقي العمر
    انا قلبي وصاني عليك
    نسعد سوا في عشنا
    يا ربي اقدر واجازيك
    Azizwagali


يعمل...
X