تويت
وفاء قاسم « بترقبك عند الاصيل »
بترقبك عند الاصيل
**************
بترقبك عند الاصيل وشفق المغيب
وفي كل دقات القليب وكتين يدق
دق ددق دق
وفي كل حركة في خطوتك
بتوسدك فوق الرموش لما النجوم
تبرق تضوي في السما
ولما القمر يبعد مداه
بحسّ بي لوعة فرقتك
بتنفسك لما النفس يطلع
يشم كل العبير من نبضتك
وعبق الرحيق فواح لحظة طلتك
بتوسلك لما الشمس تلفحنا
في عز الهجير ورميضة تحرق
في القلوب محتاجة تسمع
همستك وتحس كمان بي لمستك
بتنهدك في كل شهقة وزفرة
تطلع ما الجوف تعب من شوق
الحشا راجيك بس يتنفسك
بستنظرك ما المسافات البعيدة
فجعتي ووجعة زماني دايراك
قريب ومشتاقة بس لي رجعتك
بتقريفك نص النهار في لمة
حلوة تلمنا بي قعدة بن
نشرب سوا واتكيفك
