متكل بالحزن
**********

وبكيت علي الزمن الي راح
والجاي مع الساعات
متكل بالحزن
انسان مفصل من سكات
شايل عقاب حب اندفن
ياواسعة ضاقتبي البلاد
لا روحت لا لاقيت سكن
ذات البلاد
وبدون قصد
بكن عويناتك بكن
وعمت انا
مامن بكايا عليك لا
لكن عشان
مابكتفن
ما كفاية شوفتك عايز اعيش
اكتب حروف اسمك وطن
جواهو اترجل واقيف
والقاكي في الزمن النضيف
انسان مفصل من سكات
ياواسعة ضاقتبي البلاد
وبدون قصد ..
شايل عقاب حب اندفن