تويت
إقبال سليمان عكود «هل تمطر»
هل تمطر
*******
وريني هل تمطر
سحابات الفرح
دآيما تسيل ؟
ويغرد البلبل
دوام لحنا جميل ؟
ويمضى العمر
لا فيهو هم
لا فيهو ميل؟
لا ياجميل
دا المستحيل
ما بتمشى أيامك
عديل
ولأزم تدرسك
الحياة من المحن
لوكان قليل
وتعرف كمان
خلق الله فيها
الوغد ذي ما في
النبيل
وفيها الببالغ
في الكرم
فيها البخيل
وفيها البيشغل
بالو بس
بالقال وقيل
وفيها القبيح
فيها الجميل
فيها الوفي
وناكر الجميل
وأعرف معيشتك
فيها بس عا بر سبيل
ذي ضل ضحى
بيرحل سريع
في يومو
ما بيرجى المقيل
شايل القدر
ما داري بيهو
وإنت زي إبل الرحيل
