تويت
إقبال سليمان عكود «دهب صافي»
دهب صافي
********
بلدنا يا دهب صافي
من غربتنا لا تخافي
نحبك ذي عيوناتنا
نموت حضنك في الدافي
مرقنا ونحن فارقناكِ
ما فرقة وليف جافي
محال ننساكي ياروحنا
أونسلاكي ونجافي
جمالاً إنحصر فيكي و
في كل البلاد مافي
ونيلك مويتو عذبة زلال
دوام بيفيض وبيوافي
وأرضك خصبة مخضرة
تجود بالخير وبتوافي
وإنسانك يسود الناس
نبيل كم للعهود وافي
يسافر في رحاب الكون
وفي قلبو الحنين دافي
ومهما قلت ليك أوصف
بتعجز فيكي أوصافي
تزيد الحيرة والأشواق
يزيد في حبك إسرافي
وأقول فيك بي إختصاروإيجاز
عفارم وطني وعوافي
