تويت
إقبال سليمان عكود «مقامك يا وطن»
مقامك يا وطن
*********
مقامك يا وطن فوق
للهمم والرأس
وغلاوتك يا العزيز
زي الدرر والماس
نطق أسمك يساوي
الكون والأنفاس
بحبك يا بلد
حب ما حكوه الناس
وعاجز وصفي ليهو
وما بجدلو قياس
يا منبع هوانا
وموطن الفراس
كم لميت في حضنك
كافة الأجناس
بالحب والوفاء
ختيتو لينا الساس
حيرت القمر
في رفعتك إحتاس
يا ابصوتا جهور
في الحق ليك ميراث
حار صوت الرعد
وإحتارت الأجراس
شعبك كم جسور
في الطيبة شال الكأس
يا بيتنا الكبير
الما بيضيق بالناس
