محاسن جبريل (بركلاوية) «الوطن ولهفة لقـاك»

الوطــن ولهـــفة لــُقـــاك
***************



الوطــن ولهـــفة لــُقـــاك
كتبت بمناسبة افتتاح ســـد مـــروي

إفتــــح معــــايـَّا عـــلى الخــــريطة

وخـــت عــيونك فـــــــي الوطـــــن
قولوا لي ليه؟
تلقى الاجابات في دواخلك صرّحـن
مـــن دونــو بتـــــــــــوه الخطــاوي
بنبــــقىَ واحــــــد فــــــي الحــكاوي
وليلنـــــَّا دايمــــــاً لــونــــُو داكــــن
وفيهـــو بتضـــــــــــــيع الأماكــــــن
أي حــلم بنــلقى فيـــنا نهـــايتو لكن
وخت عيونك فـي الوطن خليك هناك
والوطــن ولهـــفة لــُقـــاك
تعرف هنـــاك مستني مين؟
مستنى بسمة يشيلا ليك في ألف عين
تقــدر ترجعـلو إللي ضاع جوا السنين
تقـــــدر تطلــعلو إللـــــــي بــــاع
مــــن جــوا خلقـــوا المشـــتريين
لساك تعاين في المساكن والمدافن
وراســـك مـــلان بي سين وجــيم
لساك بتقـــدر تبكي متغرب حـزين
وتعيشو عمــرك كــــلو صــــــابر
والصبر عاد حدو وين؟؟؟؟؟؟؟؟؟
وإنك تعيش من غير تـَمن؟ لو لسه قادر
خليــها عيــنك فــي الوطـــن
واكتــب رسايلــك دون ميعاد
مدهــونة بي لـــون الســـواد
مليــانه بــي الـــــم البعــــاد
وخطـــوط رفيــــعة مـــن العــــــناد
فاصـــــلة الحـــدود فــــى قلـــــــبنا
وخريطة بنأشر عليها .. ومن زمان
راجــين متيــن مـن تاني تاني تلمنا
ونقـــط صغـــــــيرة عـــلى الـــورق
جواها خط جدا رفيع مالياهو حالة من القلق
حـــوليها خـــط بيشــــــدنا
شديت بإيدي على الخطوط
لقـــيت اماكــن فيها صوت
ومسحـــت حـــد الأمنــيات
عديت برجلي على الـــورق
وحضــنت خــط المستـــحيل
ومسحــت ليل مرسوم هناك
زحزحـــتها الأوراق كمـــان
وجهــتها قــربتها دورتــها
طلــعت شمــس فى وشـها
وظهر الوطن
وفي لفة النيل شايفة ليا هناك حد
مـــا عرفـــت احـــدد أيـه يكـــون
مـــا كـان هو موجـــود من زمان
مـــا قالـــو ليــنا أســــتاذ ســــند
دققــــت فيـــهو كتيــــر خـــلاص
اخـــــر النهــــاية لقـــيتو ســــــد
وفي اندهاش كان السؤال ايه يعني سد
واختاروا ليه مروي البلد؟؟
مع انو كان اصعب ســـؤال
لكــــن برايــا لقيــتلو رد
وقعدت اتخيل معالم الخرطة في الوطن الجديد
لقيت ترع ممدودة من كل ترعة مارق كم وريد
وقدر عيونك ما تشوف الدنيا زاهية
والأرض لابسالا توب اخضـر جديد
وشايفالي دخان لاوي في كبد السما
قالـــولي اظـن مصنــع حـديد
وهـــناك مداخــل فــي مداخــل
والشوارع العمارات والمشاتل
يا حليل بيوت الطين حليل سقف الجريد
واللـــيل ســرق ضــو النهــار
حتى الضلام في الخرطة ما باين ضلام
ويـــن ما تعــاين تلـــقى نــور
والناس دى في بهجة وسرور
تحلـــف تقـــول الدنيــا عــــيد
وعـــــيوني غــير اشـعر بكــن
آه يا الف يا باء يا اجمل وطن
تـلاقـي راحــــة مــــع سـَكـــن
ولمـن تـشـوفــُوا عـَلى الورق
يـكــــون مــُشـــابـِه للحقـــيقة
جــــواكا داخلـــــك ترسمــــــو
حـــــاول تعـــرفو وتـفـهــــمو
مـش تـبـقـوا عايشين بره منو
ما عدتوا عارفــين حاجه عـَنـو
اكتـــــــب كــــــلامك بالحـــنين
والـــورقة تمـــلاهـا الدمـــوع
دايـمـــاً تـَمـــلـي تـحــــِسبـوا
إنـــو مشـــتاق لى رجــوعــك
يلتقــيك يـمـســـــح دمـوعـــك
صـورتو تكـــبر في عـيـــونك
تروي عطشك وتنهي جوعـك
يفتح ضراعو وليك يقالد ويحضـنك
يهمس يقــُولك وبـي حنانو يحـننك
شـــيل الغشـــاوة مـــن العــــيون
افتــــح ستـــايرك للهــوا
سيب الوساوس والظنون
يدخل شعاع من نـور وجواك الحقيقة تطـمنـَك
مـش بـَرضـــُو دَه يكــون الـوطن لو نِكـتـبوا؟؟
ياهو الوطن العاش معانا ومن زمــن
عايش على قدر المكان جوه القلوب
عايش علــى حــد الزمـــان
عارفين عشان نفضل ســوا
والــروح تــروح ما يهــمنا
يبقى الوطن صورة ملامحنا وشرايين دمنا
يبقى الابو ويبقى الامان
وحــــوشا كــــبير بيلمنا
والمشكلة كل المشاكل فوقي فجأة اتلملمن
وقفت جـم ســـلك الحـــدود ..
حجزنى عن ارض الوطــن ..
مرمغـت أيـدي فى الــتراب ..
قــــدام شــويه مـــن الحــروف .. صابن سكــات
طـــول الغـــياب لخـــــبط حـــــروفى .. واتنســن
فكرت حرف الكلمة باب.. وبدخل بلا ادفــع تمـن
وحروفي أعلنت الحداد وبدت الحروف يتشاكـلن
فضلت واقفة على تراب اسمو الوطن
الله علـــيك جــــوايا.. يا اجمـــل وطن
كل اللي كان واقف هـناك عدي ورجع
وقـــف أمــــام حرفـــك دمـــع !!
الله عليك جوايا .. يا اروع وطن
حــزنك .. مشـــاكلك .. ومحنتك
ســرقن كــلامي مــن الحـروف
راح الأمـــل ومــلاني خـــــوف
ورغم الحصل كتب القلم أجمل حروفو عن الوطن
رغم الفرح ديل العيون صابات دموع
هــــاك أيــدي وامســـح دمعــها
وعين الوطن لازم نجفف دمعها
والشـــــوق يجـــيني يروحلـــها
ويعـــاود الشــوق الرجوع نفسي المشاكل أحلها
ابـــوس ايديــــــها ورجـــــــلها
وافــــرش زهـــور فـــوق خدها
لكني ماليني الاسف كـــل الأسف
اسفة وكلامي بوجهو شان عازه ينصح جرحها
يا ولاد بلـــدي المسافـــرين بالــــبلاد
سيبوا الصراع غنوها غنوة من اجلها
تعالوا واقعدو جنبها
مدولا ايدكم بالسلام شـــيلوا الحزن من قلبها
نفـــرح ســوا ونحزن سوا تفخربنا ونفخربها
عارفاها ينبوع من حنان واكيد حتفرد حضنها
وتطــلع شمــــس بلدي وتعــود..
وتشرق ملامــحا في الحـــروف ..
ويصبح شعارنا هو السلام ونلفبوا العالم نطوف