حسين شنقراي «السادة»

السادة
كلمات: حسين شنقراي
شباب خلو
نضالكم خافق
ما تباروا
جبان ومنافق
ديل لادخلوا
حروب لاشافوا
خنادق
ما خاضوا معارك
أو قادوا بيارق
ما خبروا محاكم
أو حتي مشانق
لا ظاهروا يوم
لا فيهم مارق
ما إتشمسوا أبدا
في الجو الحارق
باردة زعامة
وجاتهم سرقة سارق
---------
لمن هم
كانوا صغار
ما ظاهروا
ضد الأستعمار
ولا عرفوا كمان
ضرب النار
لا خالطوا شعب
لا إشاكلوا بره الدار
والراجي نضالهم
يبقي حمار
-------
كفايه خداع
ونفاق وصلف
دوام سايقين
الناس للخلف
شبابنا نساكم
وختاكم في الرف
بي دموا وعرقوا
الليلة خلف
براهوا يقودها
وإنتظم الصف