تويت
اطاوع قلبي وارجع ليك وللا اواصل الاصـــــرار
بخاف اقدار زماني عليكي ما اصلو الزمن غدار
بخــافلك من جحيم الريدة ماساتي ولهيب النار
وكل ما القى لحظة سعيدة تدخل ايد الاقــدار
قلبي يقول نحب ونتهني تتحقق امــــاني كتار
ولكن كل ما اتمنى تجتاح الاماني عصــــــــــار
كملت الاماني احجي في طفل الهوى المحتار
ليلي نهاري شلتو ترجي لانام لا قدرت اختار
مره اقول كفاية غنايا يبقى ربابة للسمار
ومره الشوق يفيض جواي اطراك والحنين تاوار
وقت القاك يا محبوبة البوح يهزم الاسرار
وتلقي الذكريات مصلوبه بتوقيعي في الاشعار
يا حليل البريد جاب لي من وحي البريدو اخبار
واتفتحت جروحي النية تنور المشاعر فار
يا حسرة جروحي الدامي من وصل الحبيب الجار
ومن رمض الفراق الحامي زي المستجير بالنار
شيطان الغرام حرقني اشعل في قليبي اوار
وفي بحر الهيام غرقني شالني الموج مع التيار
جروح مفتوحة لوحة في معرض التذكار
وتبقى التوبة .. توبة نصوحة من الريدة ياستار