تويت
حسين عبدالوهاب عبدالكريم «حوار بين الشمس والقمر»
حــوار بين الشمس والقمر
في يوم جميل
مشرق أصيل
نور الشمس ضوّ المكان
واليوم داك
ماليو مثيل
الشمس قالت في اختيال
الناس تقول حسن القمر
ايه القمر....
بس يوم وحيد
نص الشهر
يصبح جميل
باقي الشهر
يلقى المحاق اصفر نحيل
يصبح هلال
شوف جسمو كيف
باين هزيل
زي فم بيصرخ بالبكا
زايد عويل
وكان نورو..
مامني انا
لمن اغيب يظهر يخيل
ويقول انا..
حسني انا
ايه انت غير تابع هبيل
ما فيك غير صخر وتراب
من نوري بس
فالح تنيل
وانا نجمة عالىة في السما
بين النجوم
ظاهر اصيل
والكل بطيل ليك النظر
لي وجهي من يقدر يطيل
ده الكسوف البي خجــل
والخسوف
يا بــدر ليك
تتوارى من الناس ذليل
كل الفصول
صيف أو خريف
شتا أو ربيع
ليهم دليل
ولمّن أبين عند الصباح
أنواري لي بدرك تزيل
تضاري من كل العيون
أمرق تعال سيب المقيل
قال القمـــر:
بل يا شمس طبعي النبيل
ربك جعل من نور بهاي
مضرب مثل لي كل جميل
شوفي الغنا وكل الشعر
كم غنى بي حسني الجميل
اصفر ذهب يوم اكتمال
كل القلوب لي نور صفاي
تعشق تميل
وصولوني في تربي البشر
وما ليكي في وصولم سبيل
اما الشمس في حــر ونار
مين في الشمس يقعد يقيل
في ضوي كم عاشق جلس
وتعبد الشيخ الجليل
شوف ليلى قيس عشقا نبيل
أو طلة في بثينه وجميل
ده الكسوف البيك عبط
والخسوف
ما الأرض دون عينك تحيل
والهلال القلت ضامر أو هزيل
ده الهلال للعيد فــرح
وللصيــام دايما دليل
وحولك يا شمس
ما في شي غير السموم
وحولي النجوم
حراساني ليل
حرك ياشمس شوق لي هواي
وحبك للقمر خلاك تميل
وقتا شرق
وقتا غرب
وتاوقي لكن مستحيل
بدسّ منك في النهار
وادلي في وقت الرحيل
واشحتفت روحك علي
وبكاك في وقت الأصيل
لونك بيصبح في اصفرار
ولمن اغيب عند النهار
وجدك يفيض
حرك يزيد..
شوقا تقيل
ودموعة ما عرق الخلق
عز النهار يجري ويسيل
غيرانه ولّي هوايا فيك
ما تبوحي بي حبك عديل
في يوم جميل
مشرق أصيل
نور الشمس ضوّ المكان
واليوم داك
ماليو مثيل
الشمس قالت في اختيال
الناس تقول حسن القمر
ايه القمر....
بس يوم وحيد
نص الشهر
يصبح جميل
باقي الشهر
يلقى المحاق اصفر نحيل
يصبح هلال
شوف جسمو كيف
باين هزيل
زي فم بيصرخ بالبكا
زايد عويل
وكان نورو..
مامني انا
لمن اغيب يظهر يخيل
ويقول انا..
حسني انا
ايه انت غير تابع هبيل
ما فيك غير صخر وتراب
من نوري بس
فالح تنيل
وانا نجمة عالىة في السما
بين النجوم
ظاهر اصيل
والكل بطيل ليك النظر
لي وجهي من يقدر يطيل
ده الكسوف البي خجــل
والخسوف
يا بــدر ليك
تتوارى من الناس ذليل
كل الفصول
صيف أو خريف
شتا أو ربيع
ليهم دليل
ولمّن أبين عند الصباح
أنواري لي بدرك تزيل
تضاري من كل العيون
أمرق تعال سيب المقيل
قال القمـــر:
بل يا شمس طبعي النبيل
ربك جعل من نور بهاي
مضرب مثل لي كل جميل
شوفي الغنا وكل الشعر
كم غنى بي حسني الجميل
اصفر ذهب يوم اكتمال
كل القلوب لي نور صفاي
تعشق تميل
وصولوني في تربي البشر
وما ليكي في وصولم سبيل
اما الشمس في حــر ونار
مين في الشمس يقعد يقيل
في ضوي كم عاشق جلس
وتعبد الشيخ الجليل
شوف ليلى قيس عشقا نبيل
أو طلة في بثينه وجميل
ده الكسوف البيك عبط
والخسوف
ما الأرض دون عينك تحيل
والهلال القلت ضامر أو هزيل
ده الهلال للعيد فــرح
وللصيــام دايما دليل
وحولك يا شمس
ما في شي غير السموم
وحولي النجوم
حراساني ليل
حرك ياشمس شوق لي هواي
وحبك للقمر خلاك تميل
وقتا شرق
وقتا غرب
وتاوقي لكن مستحيل
بدسّ منك في النهار
وادلي في وقت الرحيل
واشحتفت روحك علي
وبكاك في وقت الأصيل
لونك بيصبح في اصفرار
ولمن اغيب عند النهار
وجدك يفيض
حرك يزيد..
شوقا تقيل
ودموعة ما عرق الخلق
عز النهار يجري ويسيل
غيرانه ولّي هوايا فيك
ما تبوحي بي حبك عديل
