تويت
الفاتح حمدتو.«بعيد أنا يا وطن»
بعيد خلاص أنا يا وطن
والله غـالي ومـا بتـهـون
شايل ملامحَك فـي العيون
أضناني فـي السِكَّة الوَهَن
وبقيت بعيد أنا يا وطن
بحرين كُبار مع كَـمْ أرِض
فصلوني عنَّك يـا الحنين
ما الرحـلة كانت بالعَرِض
لا سُنَّة كانت لا فَـرِض
لكنُّو مكتوب فـي الجبين
كيف نحنا نقدر نعترِض
أقدار وفينا اتنزَّلَـن
وبقيت بعيد أنا يا وطن
أنا فـي بلد بتنوم دُغُشْ
أبراجا تنطح فـي السحاب
وامطارا يوماتي بترُشْ
لكني ما بعرف أغُـشْ
إشتقتَ لي ريـحْةَ التراب
طوَّلتَ من أهلي الغُبُشْ
أهل الكَرَم أهل الفِطَن
وبقيت بعيد أنا يا وطن
أنا فـي بلد قطعة جِنان
رويانة من زيت النخيل
وبناتا لـون البُرتُـكـان
لكني زول أم در أمان
إشتقتَ لي عَزَّة خليل
طوَّلتَ من ناسي الحُنان
الرَكَزو فـي نُصَّ المِـحَـن
وبقيت بعيد أنا يا وطن
أنا فـي بلد تـحيا وتموت
بُنيانا فـي راس الجبل
وسحابا بدخل فـي البيوت
لكني مـا بقدر أفـوت
ناساً بقولو العِز أهَـل
وتراب بلدنا نحِبُّو موت
كيف الفُراق طوَّل مَكَن
وبقيت بعيد أنا يا وطن
رسَّلتَ ليك مليون سلام
سلَّمتَ أشواقي النجوم
يوم شفت ناسَك فـي المنام
وقريتو تاريخَك تـمـام
بالعِزَّة تكبر كل يـوم
أصلَك جدير بالإحترام
مهما الصعاب إتمكَّنن
وبقيت بعيد أنا يا وطن
كيف صِبحو ناسَك وقيَّلو
كيف بِجري نيلَك فـي الربوع
ما شفتو بس بتخيَّلو
يرويني من نبعو الحلو
يوماتي بحلم بالرجوع
ومعاكا شوقي أبلّـِلو
ممكون وصابر ليْ زمن
وبعيد خلاص أنا يا وطن
أمِسْ القريب شُفتَ السحاب
لَـمَّ المطر قَصَد الغرِب
أدِّيتو ليك الشوق جواب
شال الرسالة ومنِّي غـاب
يا ربِّي ما عرِف الدرِب
قام كبَّ مويتو على الرِهاب
وانا فـي الشرِق بين شك وظن
وبعيد خلاص أنا يا وطن
على كل حـال الشوق غَـلَب
بكتب غُناي وانا فـي الشروق
جاهز دوام عند الطَلَب
ودِمايا ليكا رخيصة تَـب
زنـجـيـة تنبُض فـي العروق
مـخـلوطة بي دمَّ العرب
مليانة حِنِّية وشجـَن
وبعيد خلاص أنا يا وطن
أنا بُكرة راجع مـا بغيب
أتدفَّى فـي الحُضن الكبير
العين تنوم والروح تطيب
كيف نسكِن البلد الغريب
لو حتى لبَّسنا الحرير
ما الراحة عندك يا الحبيب
كيف القلوب إتفرَّقن
وبقيت بعيد أنا يا وطن
ما نحنا زي سمك البحر
لو يوم طلعنا من الغريق
ما اظِن بِكـفّينا المطر
سوداني يا صُبحي الأغَـر
يا الكُنتَ ليْ نِعْمَ الرفيق
ما ببقى قلبي عليك حجر
كيف أرضى بي غيرَك سكن
واسكن بعيد أنا يا وطن
والله غالي وما بتهون
شايل ملامحَك فـي العيون
أضناني فـي السِكَّة الوهَن
وبقيت بعيـد أنا يا وطن
وبعيد خلاص أنا يا وطن
والله غـالي ومـا بتـهـون
شايل ملامحَك فـي العيون
أضناني فـي السِكَّة الوَهَن
وبقيت بعيد أنا يا وطن
بحرين كُبار مع كَـمْ أرِض
فصلوني عنَّك يـا الحنين
ما الرحـلة كانت بالعَرِض
لا سُنَّة كانت لا فَـرِض
لكنُّو مكتوب فـي الجبين
كيف نحنا نقدر نعترِض
أقدار وفينا اتنزَّلَـن
وبقيت بعيد أنا يا وطن
أنا فـي بلد بتنوم دُغُشْ
أبراجا تنطح فـي السحاب
وامطارا يوماتي بترُشْ
لكني ما بعرف أغُـشْ
إشتقتَ لي ريـحْةَ التراب
طوَّلتَ من أهلي الغُبُشْ
أهل الكَرَم أهل الفِطَن
وبقيت بعيد أنا يا وطن
أنا فـي بلد قطعة جِنان
رويانة من زيت النخيل
وبناتا لـون البُرتُـكـان
لكني زول أم در أمان
إشتقتَ لي عَزَّة خليل
طوَّلتَ من ناسي الحُنان
الرَكَزو فـي نُصَّ المِـحَـن
وبقيت بعيد أنا يا وطن
أنا فـي بلد تـحيا وتموت
بُنيانا فـي راس الجبل
وسحابا بدخل فـي البيوت
لكني مـا بقدر أفـوت
ناساً بقولو العِز أهَـل
وتراب بلدنا نحِبُّو موت
كيف الفُراق طوَّل مَكَن
وبقيت بعيد أنا يا وطن
رسَّلتَ ليك مليون سلام
سلَّمتَ أشواقي النجوم
يوم شفت ناسَك فـي المنام
وقريتو تاريخَك تـمـام
بالعِزَّة تكبر كل يـوم
أصلَك جدير بالإحترام
مهما الصعاب إتمكَّنن
وبقيت بعيد أنا يا وطن
كيف صِبحو ناسَك وقيَّلو
كيف بِجري نيلَك فـي الربوع
ما شفتو بس بتخيَّلو
يرويني من نبعو الحلو
يوماتي بحلم بالرجوع
ومعاكا شوقي أبلّـِلو
ممكون وصابر ليْ زمن
وبعيد خلاص أنا يا وطن
أمِسْ القريب شُفتَ السحاب
لَـمَّ المطر قَصَد الغرِب
أدِّيتو ليك الشوق جواب
شال الرسالة ومنِّي غـاب
يا ربِّي ما عرِف الدرِب
قام كبَّ مويتو على الرِهاب
وانا فـي الشرِق بين شك وظن
وبعيد خلاص أنا يا وطن
على كل حـال الشوق غَـلَب
بكتب غُناي وانا فـي الشروق
جاهز دوام عند الطَلَب
ودِمايا ليكا رخيصة تَـب
زنـجـيـة تنبُض فـي العروق
مـخـلوطة بي دمَّ العرب
مليانة حِنِّية وشجـَن
وبعيد خلاص أنا يا وطن
أنا بُكرة راجع مـا بغيب
أتدفَّى فـي الحُضن الكبير
العين تنوم والروح تطيب
كيف نسكِن البلد الغريب
لو حتى لبَّسنا الحرير
ما الراحة عندك يا الحبيب
كيف القلوب إتفرَّقن
وبقيت بعيد أنا يا وطن
ما نحنا زي سمك البحر
لو يوم طلعنا من الغريق
ما اظِن بِكـفّينا المطر
سوداني يا صُبحي الأغَـر
يا الكُنتَ ليْ نِعْمَ الرفيق
ما ببقى قلبي عليك حجر
كيف أرضى بي غيرَك سكن
واسكن بعيد أنا يا وطن
والله غالي وما بتهون
شايل ملامحَك فـي العيون
أضناني فـي السِكَّة الوهَن
وبقيت بعيـد أنا يا وطن
وبعيد خلاص أنا يا وطن
