تويت
أنور ميرغني يوسف «أنة عاشق»
أنة عاشق
صبحنا يا روح روحي
زي خطين متوازيات
واصلها الدنيا بتعاند
تجي المحن مجتمعات
وليه يا إنت تقسي
وتسقيني المُر كاسات
في دربك ياما شقيت
تُهت يا سمح السِمات
وريني بعدك شن أسو ؟
دموعي صارت شتات
ويشهد الله الخلقك
اداك اروع صفات
أنا شايفك فيني نور
حياتي دونك ظلمات
الدنيا ما بتعرف حِن
روت خدي بالدمعات
حرمت قلبي الفرح
واهدت فرحة للشُمات
يا قلبي كفاكا دموع
ما بعود زمنّا الفات
نار الفُرقة ام لهيب
محال تطفيها دمعات
وما تلوم تاني الزمن
حبك فيكا مات
أبي يسمعني القليب
وليك من تاني فات
وإنت لاك داير تحن
تمد حبل الصلات
لا قلبي منك قِنع
حضن الصبُر سُكات
وريني كيف أنساك أنا
وعقلي مختذنك ذكريات
وا شقاوة زول يحب
يزرع العشم شتلات
وبدل حنان وريد
يحصد ضني وحسرات
يا الله تديني الصبر
تلهم قليبي الثبات
أصلي قبلان النصيب
راضي مُر النهايات
أصلي قبلان النصيب
راضي مُر النهايات
