تويت
أنور ميرغني يوسف «حلو الغرام»
حلو الغرام
هيجني سحر عيونا
وكت وقفت قُصادي
خلتني أعيد نظر
في حاضري والماضي
دي البت شبه الغزال
ست الخديد النادي
بسماتا أدتني الأمان
وبسراع دخلت فؤادي
كان مناي الوقفة تطول
شان أشرح سر ودادي
لكنها إستعجلت رحيل
خلتني أدور في الفاضي
ومن يوما ما فارقتو المكان
يمكن تجي ويتحقق مرادي
لكنو أه طال الإنتظار
طالت عذلتي وطال إنفرادي
ما السمحة إتعمدت غياب
خلتني محزون والأهة ذادي
دي عيوني غطاها الضباب
حتي الكون إتلون رمادي
لكني ما مليت سؤال
سألت المدن سألت البوادي
وزعت أوصافا في كل مكان
ما خليت تلفاز لا رادي
يا ناس زولتي شبيهة ملاك
زينتا العفة والطبع هادي
زولتي ممشوقة قوام
والدلال في عيونا بادي
ما شفتوها وين مشت ؟؟
أصلي بعدها طال سهادي
أديت أوصافا حتي الطيور
سرحت من وادي لي وادي
رسمتها في كل الصخور
موية البحر كانت مدادي
وبعد قربت أقنع من لقاها
وأرجع أعلن مواسم حدادي
فجأة طلت من بعيد !!!
فارعة زي نخلات بلادي
ومشيتلها دافرني الشوق
دسيتا في خلجات فؤادي
بُحت بي حلوّ الغرام
وبيناتنا كان أروع تراضي
غنينا بي صدق الكلام
إتعاهدنا بي نُبل المبادي
غنينا بي صدق الكلام
إتعاهدنا بي نُبل المبادي
هيجني سحر عيونا
وكت وقفت قُصادي
خلتني أعيد نظر
في حاضري والماضي
دي البت شبه الغزال
ست الخديد النادي
بسماتا أدتني الأمان
وبسراع دخلت فؤادي
كان مناي الوقفة تطول
شان أشرح سر ودادي
لكنها إستعجلت رحيل
خلتني أدور في الفاضي
ومن يوما ما فارقتو المكان
يمكن تجي ويتحقق مرادي
لكنو أه طال الإنتظار
طالت عذلتي وطال إنفرادي
ما السمحة إتعمدت غياب
خلتني محزون والأهة ذادي
دي عيوني غطاها الضباب
حتي الكون إتلون رمادي
لكني ما مليت سؤال
سألت المدن سألت البوادي
وزعت أوصافا في كل مكان
ما خليت تلفاز لا رادي
يا ناس زولتي شبيهة ملاك
زينتا العفة والطبع هادي
زولتي ممشوقة قوام
والدلال في عيونا بادي
ما شفتوها وين مشت ؟؟
أصلي بعدها طال سهادي
أديت أوصافا حتي الطيور
سرحت من وادي لي وادي
رسمتها في كل الصخور
موية البحر كانت مدادي
وبعد قربت أقنع من لقاها
وأرجع أعلن مواسم حدادي
فجأة طلت من بعيد !!!
فارعة زي نخلات بلادي
ومشيتلها دافرني الشوق
دسيتا في خلجات فؤادي
بُحت بي حلوّ الغرام
وبيناتنا كان أروع تراضي
غنينا بي صدق الكلام
إتعاهدنا بي نُبل المبادي
غنينا بي صدق الكلام
إتعاهدنا بي نُبل المبادي
