تويت
الفاتح الدخيري «ممشى اللهفة»
ممشى اللهفة
قبال تجي....
يبقى ممشى اللهفة ليك...
سفر الحروف فوق معاني
القرايه....
ودفقة حبر من الواح القرايه
وشمعة شوق حضنت ليل
شايل من طول سهاده
سر الحكاية
حكاية الزول النقش انفاسك
في الدواخل...؟
واتحدى بيك أحلام المرايا
*****
قبال تجي كان صباح
الدنيا
غرقان في عتمته
وكان فجر الشوق
معطون في خطاوي البداية
لاسكة ليه تتمشي...
ولا قطارات تقطع
نفس مشيته
وأنا في عيون الناس شتلتك
فواصل للعناوين وخريف للوصايا
ما أصلو قبل الخلق
يقرو الكتابة
كنتي جواي
مدسية .. ومتغطية
بلهفة ريدي القبيل
ولهيب هوايا...
كنت متوسده شجوني وجنوني
وكنت بس ضرايه...
البيك كنت بسند قفايه
يا بنية خلاص كفاية
وخلي شوفتك تبقى المطر..
تبقى الغمام...
تبقى السحاب
تبقى البحر
وتبقى آية...
ما اصلي مجنون وطبي وعلاجي
انا في المحاي
قبال تجي....
يبقى ممشى اللهفة ليك...
سفر الحروف فوق معاني
القرايه....
ودفقة حبر من الواح القرايه
وشمعة شوق حضنت ليل
شايل من طول سهاده
سر الحكاية
حكاية الزول النقش انفاسك
في الدواخل...؟
واتحدى بيك أحلام المرايا
*****
قبال تجي كان صباح
الدنيا
غرقان في عتمته
وكان فجر الشوق
معطون في خطاوي البداية
لاسكة ليه تتمشي...
ولا قطارات تقطع
نفس مشيته
وأنا في عيون الناس شتلتك
فواصل للعناوين وخريف للوصايا
ما أصلو قبل الخلق
يقرو الكتابة
كنتي جواي
مدسية .. ومتغطية
بلهفة ريدي القبيل
ولهيب هوايا...
كنت متوسده شجوني وجنوني
وكنت بس ضرايه...
البيك كنت بسند قفايه
يا بنية خلاص كفاية
وخلي شوفتك تبقى المطر..
تبقى الغمام...
تبقى السحاب
تبقى البحر
وتبقى آية...
ما اصلي مجنون وطبي وعلاجي
انا في المحاي
