غيـمة حـزن
يوم فت عم الكون ضلام
حتي القمر إتواري غاب
مرت علي غيمة حزن
والدمع سال من عيني صاب
و الحزن طال حتي الحروف
حتي البيادر واليباب
الشوق نخر جوة الضلوع
ما إنت طولت الغياب
والقلب مذبوح بي الألم
**
غرقان وسابح في العذاب
ما الفرقة قاسية علي شديد
لكن مسطر في الكتاب
الدنيا زي ضل الضحي
بيمر عليك زي السحاب
يغشاك مرات الفرح
بي كل جميل ما لذ وطاب
ومرات تعيش فيها الحزن
ويصعب عليك الإنتحاب
ومرات يجيك شيتاً غريب
يغشاك مرات إكتئاب
وانا عشت بعدك يا حبيب
زي غريق بحر التساب
غرقان وعطشان في البحر
والموج بقالي تقول رهاب
لكني رغما عن كدي
بتذكرك رغم الصعاب
والليلة جاتنا البشريات
بي عودتك جاني الجواب
وفرحت بيك فرحا شديد
وإتبدد الأسي والسراب
ألقاك فارد لي اليدين
يا غالي يا زين الشباب
ما الدنيا يوم تديك فرح
تفتح كشف من دون حساب
يوم فت عم الكون ضلام
حتي القمر إتواري غاب
مرت علي غيمة حزن
والدمع سال من عيني صاب
و الحزن طال حتي الحروف
حتي البيادر واليباب
الشوق نخر جوة الضلوع
ما إنت طولت الغياب
والقلب مذبوح بي الألم
**
غرقان وسابح في العذاب
ما الفرقة قاسية علي شديد
لكن مسطر في الكتاب
الدنيا زي ضل الضحي
بيمر عليك زي السحاب
يغشاك مرات الفرح
بي كل جميل ما لذ وطاب
ومرات تعيش فيها الحزن
ويصعب عليك الإنتحاب
ومرات يجيك شيتاً غريب
يغشاك مرات إكتئاب
وانا عشت بعدك يا حبيب
زي غريق بحر التساب
غرقان وعطشان في البحر
والموج بقالي تقول رهاب
لكني رغما عن كدي
بتذكرك رغم الصعاب
والليلة جاتنا البشريات
بي عودتك جاني الجواب
وفرحت بيك فرحا شديد
وإتبدد الأسي والسراب
ألقاك فارد لي اليدين
يا غالي يا زين الشباب
ما الدنيا يوم تديك فرح
تفتح كشف من دون حساب